Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artan Lame përgojon ish-punonjësen e ALUIZNI-t: Ishte e divorcuar, ndaj e mbajtëm në punë...

Politiko 24 Mars 2018, 12:13

Artan Lame përgojon ish-punonjësen e ALUIZNI-t: Ishte e divorcuar,

Drejtori i ALUIZNI-t, Artan Lame është shqetësuar nga postimet në ‘Facebook’ që një ish-punonjëse e këtij institucioni, e quajtur Evangjeli M., bën kundër tij. Për këtë arsye, Lame ka publikuar një reagim ku përgojon ish-punonjësen e tij.

Fillimisht, Lame flet për spastrimin e ALUIZNI-t kur PS mori pushtetin, nga ata punonjës që i konsideronte të “ngjyer” dhe midis tyre ishte Evangjelia. Megjithatë, ai e kishte mbajtur gruan në punë vetëm sepse ishte e divorcuar, duke mbyllur sytë përpara shkeljeve të pretenduara nga vetë Lame.

Më tej, ai tregon se si punonjësja e shtypit ka monitoruar ‘Facebook’-un e Evangjelisë, pas dorëheqjes, dhe e ka njoftuar për shkrimet e saj. Në reagim, Lame i përmend ish-punonjëses edhe fotot e mbesës, ndërkohë që e paralajmëron për denoncim për braktisje të vendit të punës. Por ky denoncim vjen vetëm pasi Artan Lame është njohur me reagimet e Evangjelisë, ndonëse ish-punonjësja duhej të ishte kallëzuar muaj më parë nëse është e vërtetë se ka kryer shkelje.

Reagimi i Artan Lames i publikuar me shkurtime:

Zor të ketë mes jush ndonjë që e njeh Evgjeni M., alias Eva S. Ka qenë punonjëse e Aluiznit që prej vitit të largët 2012. Kur u ndërruan qeveritë ca ikën vetë se e dinin zullumin që kishin bërë, e ca të tjerë i hoqëm vetë. Javash-javash u përpoqëm të heqim veç ata që ishin të ngjyer. Evgjenia ishte e divorcuar, ndaj na ndërhyri për hallet që kish mbi kokë dhe e mbajtëm në punë.

Ajo pastaj vazhdoi vit pas viti të punonte në një prej drejtorive të ALUIZNI-t, derisa në janar 2017 kërkoi të shkëputej nga puna. I bënë letrat e shkëputjes, por drejtoria përkatëse i kërkoi që të dorëzonte me procesverbal dosjet që kishte në ngarkim. I jap rëndësi kësaj gjëje, pasi na ndodh shpesh që humbin dokumenta nga dosjet, me apo pa qëllim, duke na shkaktuar mjaft kokëcarje me qytetarët. Me vijnë e më thonë që Evgjenia s’pranon t’i shtrohet rregullit dhe drejtorja e vet i paskesh dhënë edhe vërejtje për këtë punë. Ndërhyj dhe e thërras vetë. Më vjen në zyrë dhe bëjmë “pazar”, unë do t’i hiqja vërejtjen, ajo do mbyllte dorëzimin me procesverbal. Iku dhe se pashë më.

Kaloi ndonjë muaj kur s’ka ca ditë punonjësja e shtypit më sjell... postimet e Evgjenisë në “fb”. Pupupu ç’tu tregoj e ç’tu them, vrer e zi, e të qëna e të paqëna. Pa asnjë arsye, thjesht siç thonë italianët “inutile cativeria”. Shan, nxin, derdh fjalë plot ligësi jeshile...

Evgjenia kaloi gati 6 vjet në këtë vend pune. Ushqeu veten dhe familjen me këtë rrogë. Gëzoi, u mërzit, bëri shokë e miq, kaloi të mira e të liga, bëri punën e shtetit por bëri edhe ndere, mori falenderime dhe mirënjohje. Po ç’dreqin ke që pasi ikën, derdh vrer të zi mbi punën që të dha bukën, moj Evgjeni?!

Evgjenia e do mbeskën e saj, të cilës i poston edhe foto në “fb”. Po s’mjafton të duash familjen, se pjellën e vet e do edhe majmuni e dhia. Puna është të duash njerëzit. Eshtë ky mësimi i madh që nxora unë nga ajo që më ndodhi dy vjet të shkuara.

Evgjeninë s’do ta bëjë “njeri” fakti që institucioni do t’i bëjë denoncim për braktisje të vendit të punës dhe do ta ndjekë gjithandej. Denoncimi do shërbejë veç që shoqëria të marrë mbrapsht të drejtat e saj. Evgjeninë do të mund ta bënte njeri veç njerzillëku.