Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artisti kthehet në vendlindje: Transformimi i Durrësit më trishton shumë

Politiko 17 Prill 2019, 12:18
Artisti kthehet në vendlindje: Transformimi i Durrësit më

Violinisti shqiptar Olen Cesari, i cili jeton në Itali dhe karrierën e tij po e zhvillon në skenat jashtë Shqipërisë, shprehet se ndihet i trishtuar kur sheh si është katandisur vendi i tij.

I  ftuar në emisionin Tempora në RTV Ora, Cesari shprehet se vuan sa herë që e shikon amfiteatrin e shndërruar dhe ujërat e zeza që derdhen në ‘Koloseun’ e Durrësit.

"Kam mbajtur dy koncerte në Durrës. Një e kam zhvilluar në sheshin e Durrësit, pas Pallatit të Kulturës dhe një në port, tek Vollga, të organizuar nga Komuniteti Evropian.

Durrësi është bërë diçka që nuk e njoh më. Ka ndryshuar shumë dhe më bën të pikëllohem. Më trishton shumë. Kam harruar pjesën e keqe, të hidhur dhe mbaj mend vetëm gjërat e bukura. Vuaj sa herë që shkoj sepse gjëja e parë që bëj kur shkoj atje është të shoh amfiteatrin dhe e kam pasur shumë pasion arkeologjinë dhe kaloja orë të tëra aty. Ta shikosh sot në atë derexhe, që gjithë ujërat e pista të shtëpive derdhen në 'Koloseun' e Durrësit, që duhet të jetë një nga perlat e saj. Ai duhet të shërbejë si magnet që duhet të thithë gjithë turizmin. Ne kemi atë dhe Butrintin."

Ndërsa shtoi se shteti duhet të investojë me fonde në Durrës: "Shteti dhe politika duhet të marrë një perlë dhe fondet që kanë ta stolisin për të gjithë ata që vijnë. Durrësi është Durrësi, aty kam lindur dhe sa herë që mundem shkoj aty", shprehet Cesari.

Të fundit