Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Asnjë nuk kujtohet për emigrantët, si në paqe edhe në luftë

Politiko 6 Maj 2020, 09:09
Asnjë nuk kujtohet për emigrantët, si në paqe edhe në

nga Alban Daci

Për ne, emigrantët, pushteti dhe politika nuk janë kujtuar në kohë paqeje dhe jo më të kujtohen në kohën e luftës së pandemisë COVID- 19.

Duket sikur jemi harruar nga pushteti, por edhe politika. Tashmë, nuk ju duhemi as për vota, sepse e kanë vendosur të mos bëjnë me zgjedhje.

PD mendon gjithë kohës për protesta për të ardhur në pushtet dhe emigrantët nuk zënë fare hapësirë në qëndrimet e saj e kjo, sepse ndoshta ne nuk votojnë e s'kemi asnjë lloj peshe apo interesi.

Po ashtu nuk ju duhemi më edhe sikur të ketë zgjedhje, sepse nuk e kanë bërë të mundur ushtrimin e Votës së Emigrantëve.

Ushtrimi i Votës së Emigrantëve, jo vetëm është e drejta orga omnes dhe kushtetuese, por do të na jepte forcë, si për të kërkuar llogari, ashtu edhe për të qenë të përfaqësuar. Politika do ta lutej e do na servilosej e do të na dëgjonte me shumë, jo se i dhimbsemi, por, sepse kanë nevojë për votat tona.

Duhet të ishte bërë shumë më shumë për ri-Atdhesimin, po ashtu edhe për mjaft çështja të tjera,, si:

Shumë shqiptarë që jetojnë jashtë nuk munden për shkak të Covid-19 të rinovojnë pasaportat në Konsullata e po ashtu edhe për të shkuar për t'i rinovuar në Shqipëri. Mjafton një urdhëresë nga Ministria e Brendshme e Shqipërisë për të zgjatur, të paktën, edhe me gjashtë muaj vlefshmërinë e pasaportave.

Deri tani kemi një komunikim nga ministri i Brendshëm, por nuk ka asgjë të shkruar e për më tepër nuk ka asnjë komunikim nga Ministria për Europën dhe Punët e Jashtme me homologët italian e të tjerë.

Shumë gjëra, që mund të bëhen më shpejt e nuk kanë kosto, vonohen gjithmonë nga vullneti dhe nga burokracitë. Rast i tillë është marrëveshja e patentave mes Italisë dhe Shqipërisë.

Duhet të theksoj se shteti italian ka shtyrë vlefshmërinë e dokumenteve e lejeve të qëndrimit edhe për të huajt.

Ndërsa Shqipëria vetëm në Itali ka më shumë se 600 mijë qytetarë dhe duket se çështjet e emigrantëve janë të fundit në rendin e ditës.

 

Të fundit