Ka mbërritur këtë mëngjes te Prokuroria e Krimeve të Rënda, Florenc Hoxha, ish- kreu i Policisë Bashkiake të Tiranës.
Ai është thirrur që të japë dëshminë e tij sa i takon videos së publikuar pak ditë më parë nga deputeti i PD, Ervin Salianji, ku shfaqet Fredi Alizoti, aktor i pretenduar në skandalin e Babales.
Tre ditë më parë, Salianji deklaroi në media se ka qenë Florenc Hoxha, ai i cili i ka çuar në selinë e PD-së videon ku Fredi Alizoti, flet për presionet e drejtorit të Përgjithshëm të Policisë, Ardi Veliu.
Ky i fundit u paraqit një ditë më parë në Prokurori dhe dha dëshminë e tij, lidhur me akuzat e Alizotit, i cili deklaron në video se ka qenë Veliu ai i cili e ka marrë në makinën e tij dhe e ka dërguar në ambientet e Prokurorisë.
