Flash News
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Balla: Zgjedhjet e 30 qershorit, agim i ri për Shqipërinë. PD ka lidership kriminal
Kreu i Grupit Parlamentar të PS, Taulant Balla ka përjashtuar çdo marrëveshje të mundshme midis kryeministrit Edi Rama dhe kryeopozitarit Lulzim Basha për të shtyrë zgjedhjet lokale. Nga foltorja e Kuvendit, Balla tha se zgjedhjet do të zhvillohen më 30 qershor dhe se PS nuk do i japë mundësi bandës së huliganëve të Bashës, siç ai e quajti, për të marrë peng vendin.
“Për parantezë meqë m'u kërkua për cështje që lidhen me zgjedhjet e 30 qershorit do u them qartë, ju patjetër, por të gjithëve se zgjedhjet do të bëhen në 30 qershor. Aq i sigurt është detyrimi për të zgjedhje në 30 qershor, njëlloj si dielli lind në lindje dhe perëndon në perëndim. Ne nuk do t’i japim kurrë mundësinë Lulzim Bashës dhe bandës së tij të huliganëve që të marrin peng vendin dhe të përdhosin Kushtetutën e Shqipërisë. Beteja jonë është për demokracinë, të ardhmen evropiane të Shqipërisë. Më 29 maj, në orën 12:30, të gjithë shqiptarët do të marrin lajmin e mirë nga KE për të rekomanduar fillimin e bisedimeve për anëtarësim. Përpjekja për të penguar këtë lajm të mirë për të gjithë shqiptarët do të bëhet në paradën e fundit të huliganëve më 25 maj. Zgjedhjet e 30 qershorit do të jenë agim i ri për të gjithë Shqipërinë, për fat të mirë të shpëtojë edhe PD nga pengmarrja e Lulzim Bashës. Sa për pengmarrjen e LSI, s’quhet pengmarrje sepse është trashëgimi brenda familjes. Aryseja përse opozita ka zgjedhur këtë rrugë është vetëm një, ajo lidhet me frikën nga reforma në drejtësi, qoftë Basha, Berisha, Kryemadhi e dinë se me hapjen e negociatave nuk ka kthim pas”, u shpreh Balla.
Duke theksuar se nuk do të ketë marrëveshje në shkelje të Kushtetutës, Balla e akuzoi lidershipin e PD si të kriminalizuar.
“Shqiptarët që abandonojnë lidershipin kriminal të PD është një ogur i mirë që pas 30 qersorit edhe PD të ketë mundësi të rinisë një histori të re. Historia e vjetër e PD-së përfundon më 30 qershor”, tha Balla.