Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Balluku nga Fieri: Nga 1 janari rriten me 18% pagat e naftëtarëve

Politiko 28 Dhjetor 2019, 15:09
Balluku nga Fieri: Nga 1 janari rriten me 18% pagat e naftëtarëve

Ministrja e Infrastrukturës dhe Energjisë, Belinda Balluku është shprehur duke thënë se nga 1 janari punonjësit naftëtarë do të kenë rritje page, mesatarisht 18%.

Këtë lajm, Balluku e dha gjatë festës të Vitit të Ri të organizuar për fëmijët e naftëtarëve nga Fieri, Patosi, Mallakastra, Roskoveci, Kuçova, Selenica etj. Në këtë ceremoni ministrja shoqërohej nga Administratorja e Albpetrol, Eriola Muka.

"Festat e fund vitit janë momente festive për të gjithë dhe ata që gëzojnë më shumë janë fëmijët. Për këtë arsye, duhet treguar vëmendje që gjithkush të ketë mundësi të gëzojë në këtë fund vit"- është shprehur ministrja Balluku.

Po ashtu, Balluku vlerësoi sakrificën e naftëtarëve, duke sjellë në vëmendje faktin se punojnë në një sektor me mjaft vështirësi.

“Unë jam shumë e lumtur sot që takoj fëmijët e naftëtarëve, të cilët janë nga punëtorët më të dalluar dhe kanë qenë në të gjitha kohërat. Janë njerëz që impenjohen shumë, puna është e vështirë, besoj që mami dhe babi ju kanë treguar gjithmonë sesa e vështirë është të punosh në fushën e naftës, por ata ja dalin gjithmonë me sukses. Kemi dhe një lajm të mirë për ta, që të gjithë naftëtarëve ne kemi vendosur t’ju rrisim edhe pagën, por më pas këto do t’i bisedoj Erjola me prindërit tuaj.”

Ministrja e Infrastrukturës dhe Energjisë, së bashku me administratoren e Albpetrol, kanë shpërndarë dhurata për të gjithë fëmijët duke krijuar momente festive.  Fëmijët festuan me babagjyshin e Vitit të Ri dhe personazhet e tyre të preferuara dhe u argëtuan me dhuratat e shumta e përgatitura enkas për ta.

 

Të fundit