Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Barbara Bush, matriarka e Republikanëve

Politiko 18 Prill 2018, 18:23
Barbara Bush, matriarka e Republikanëve

Barbara Bush, bashkëshortja e dashur e Presidentit të 41-të, dhe mamaja e Presidentit të 43-të të Shteteve të Bashkuara, vdiq më 17 prill, 2018, në moshën 92 vjeçe. Matriarka e familjes, e la Universitetin në mes për të ndjekur dashurinë e fëmijërisë---e ndoqi atë kur ai kaloi nga Dhoma e Përfaqësuesve te Kombet e Bashkuara, te CIA, në zyrën e Zv/Presidentit dhe, në fund në Shtëpinë e Bardhë.

Një djalë u bë President i Shteteve të Bashkuara. Një tjetër guvernatori i shtetit të Florida-s. Por, këto janë asgjë me arritjet e vërteta të ish-Zonjës së parë Bush. Ajo ishte kampionia e kauzave të ndryshme, që nga të pastrehët deri te AIDS, por shumë e njihnin si avokaten më të fortë të shkrim-e-këndimit. Si një figurë politike ajo ishte një grua e fortë dhe shumë e respektuar--- vlerësohej zgjuarsia e saj thumbuese, mbështetja pakushte për familjen dhe gatishmëria e sinqertë.

Si Zonjë e Parë, karakteri i saj kryesor si një grua dhe nënë e përkushtuar bënte kontrast të madh me kolegen dhe pararendësen e saj, Nancy Reagan, dhe pasardhësen më të re, Hillary Clinton, të cilat të dyja ishin më shumë të përfshira në presidencat e bashkëshortëve. Megjithatë, Barbara Bush promovoi të drejtat e grave dhe pikëpamjet e saj të forta personale ndonjëherë dilnin në sipërfaqe dhe trondisnin----sidomos kur shkonin kundra politikave të Partisë Republikane. Për shembull, një herë, teksa i shoqi ishte ende në fushatë për President, ajo tha që aborti nuk duhet të politizohet.

Ajo, gjithashtu, nuk ishte e turpshme për mundësinë e një gruaje në Zyrën Ovale, duke çarmatosur audiencën e Universitetit (femëror) Wellesley në një fjalim, në 1990, të protestuar nga disa grupe në kampus, të cilët vinin në pikëpyetje kredencialet e saj për t’i folur një audience me vajza e gra që synonin tregun e punës. “Diku i ulur në këtë audiencë mund të jetë dikush që një ditë do të ndjekë hapat e mi dhe të drejtojë Shtëpinë e Bardhë si bashkëshortja e Presidentit. Unë i uroj fat.” tha ajo.

Të fundit