Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha: Dako të arrestohet, përgjimet e publikuara janë ‘maja e ajsbergut’

Politiko 30 Tetor 2018, 12:48
Basha: Dako të arrestohet, përgjimet e publikuara janë

Kreu i Partisë Demokratike, Lulzim Basha insiston që kreu i Bashkisë Durrës, Vangjush Dako duhet të arrestohet.

Në një bashkëbisedim me gazetarët në selinë blu, Basha tha se përgjimet e publikuara së fundmi, ku i përfshirë është edhe kryebashkiaku Dako me një anëtar të bandës së Shijakut, është vetëm ‘maja e ajsbergut’.

“Arrestimi i Dakos sipas propozimit të grupit të hetimit është hap i paevitueshëm që faktohet para shqiptarëve.  As Dako, as Roshi, as Gent Daja dhe as eksponentët e tjerë të dosjes 339 nuk hetohen në liri.

Vangjush Dako duhet të arrestohet. Prokuroria ka shumë prova të qarta e flagrante për bashkëpunimin e Dakos me krimin. Përgjimet që janë bërë publike janë vetëm ‘maja e ajsbergut’, ato u bënë për të zbehur rolin e Dakos në transaksionet kriminale me bandat krimit të organizuar me Avdylajve në shkëmbim të mbështetjes elektorale. Dako është një kriminel i mirëfilltë për pushtet dhe para. Është e papranueshme që një kriminel i mirëfilltë të vazhdojë të bredhë i lirë”, u shpreh Basha.

Të fundit