Basha në Delvinë: Shqiptarët po varfërohen se grabiten nga qeveria

Kryetari i Partisë Demokratike dhe njëkohësisht lideri i opozitës, Lulzim Basha, deklaroi nga Delvina se shqiptarët po varfërohen për shkak të grabitjes së tyre nga qeveria.

“Një grusht klientësh bashkë me Edi Ramën dhe qeverinë e tij janë shndërruar në grabitës të çdo pasurie publike dhe të çdo burimi natyror të vendit. Ata janë shkaku i thellimit të varfërisë,papunësisë, mungesës së mundësive”, tha Basha.

Gjatë takimit që pati me qytetarët Basha i quajti klientët e Edi Ramës një grusht biznesmenësh grabitqarë që ndajnë paratë dhe pasuritë me njëri- tjetrin.

“Ekonomia dhe pasuritë e vendit janë në duart e këtyre pak njerëzve përreth Edi Ramës. Bregdetin ua ka grabitur qytetarëve dhe, me vendime speciale, ua ka dhënë oligarkëve që kanë ndërtuar në toka të vjedhura buzë detit”, tha kreu i Opozitës.

Sipas Bashës, braktisja e interesit publik për të pasuruar veten dhe një grusht biznesmenësh dhe kriminelësh, është një nga arsyet e refuzimit plebishitar të Edi Ramës më 30 qershor. Basha u shpreh se “kjo ishte një datë që e vulosi Edi Ramën, edhe sipas raportit të OSBE/ODIHR, në një grabitës votash dhe të një politikani qe shkel Kushtetutën për të uzurpuar çdo pushtet”.

“30 qershori është nul dhe i pavlefshëm. Çdo produkt i tij është nul dhe i pavlefshëm”, tha Basha.

Ai u shprehu mirënjohjen për çdo banor të Delvinës që ju bashkua 85 % të shqiptarëve që bojkotuan zgjedhjet e 30 qershorit, dhe shtoi se kur PD të marrë pushtetin do ua kthejë këtë mirënjohje me vepra konkrete.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm