Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Basha në Gjermani, kryetari i Forumit Rinor CDU-së jep një mesazh ‘live’ për rininë shqiptare
Kryetari i PD, Lulzim Basha ndodhet në Gjermani ku ka bërë thirrje sërish përfaqësuesve të Bundestagut, në ditën e dytë të vizitës së tij në Berlin për mbështetjen e hapjes së negociatave për anëtarësimin e Shqipërisë në BE.
Basha në një lidhje ‘live’ me anëtarin e Komisionit për Çështjet Europiane dhe Çështjet e Jashtme falenderoi kryetarin e Forumit, i cili, sipas tij, është një nga mbështetësit më të fuqishëm të Shqipërisë dhe të rinisë shqiptare.
“Jemi këtu me Paul Ziemak, që është anëtar i Komisionit për Çështjet Europiane dhe Çështjet e Jashtme, por është po kështu kryetari i Forumit Rinor CDU-së, i cili është një nga mbështetësit më të fuqishëm të Shqipërisë dhe të rinisë shqiptare. E falënderoj për ndihmën që na dha sot në këtë mbledhje të vështirë të Komisionit, për të bindur anëtarët e Komisionit, anëtarët e CDU-së dhe CSU-së për një votë pozitive për negociatat, si një kontribut për të shtuar presionin ndaj qeverisë në raport me demokracinë, shtetin ligjor, luftën kundër krimit të organizuar, luftën kundër korrupsionit, reformën në drejtësi, reformën zgjedhore. Pra, për të ndihmuar përmes presionit të shtuar në arritjen e objektivave europiane që ka opozita, Partia Demokratike, rinia e Partisë Demokratike dhe rinia shqiptare”, shpreh Basha.
Ndërsa kryetari i Forumit Rinor CDU-së, Paul Ziemak, teksa falënderoi Bashën për vizitën në parlamentin gjerman, dha një mesazh për rininë shqiptare. “Urimet më të mira nga unë, Forumi Rinor dhe partia tonë për të rinjtë në Shqipëri. Ne besojmë tek ju. Punojmë shumë mirë bashkë, ndaj dhe urimet më të mira nga Berlini për Shqipërinë!”