Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha paralajmëron Ramën nga Cërriku, nuk heq dorë nga sfida për debat televiziv

Politiko 4 Qershor 2017, 10:57
Basha paralajmëron Ramën nga Cërriku, nuk heq dorë nga sfida

Kreu i Partisë Demokratike Lulzim Basha çeli sot fushatën në Cërrik nga ku i vendosur ftoi sërish kryeministrin Edi Rama për debat televiziv.

Gjatë fjalës së tij kryedemorati paralajmëroi Ramën se më 25 qershor shqiptarët do të marrin Shqipërinë në dorë dhe do t'i bëjnë ‘kosh’ me votën e tyre.

“Nga dhimbja juaj e përbashkët lindi forca e përbashkët e 18 shkurtit. Unë ju jam mirënjohës për kontributin tuaj në Çadrën e Lirisë, sot jemi në një realitet ndryshe, Republika e vjetër ka falimentuar. Ne do t'i japim fund maskaradës së këtyre viteve.

Kam një javë që e thërras në debat televiziv, ku e ka shëndetësinë falas, vendet e punës dhe uljen e çmimit të energjisë. Përgjigjen nuk ma ka borxhë vetëm mua por qytetarëve shqiptarë. Nuk mund t'i ikësh kësaj përgjigje me futboll. A ka patur një vend pune në Cërrik këto 4 vite? Ky është realiteti, basketbolli që t'i luan është në kurriz të shqiptarëve. I more shqiptarëve 1.5 miliard taksa dhe i cove në xhepat e oligarkëve. I shkatërrove fermerët dhe tani i thua merrni kredi në banka. Kjo shfaqje duhet të ndalojë dhe do të ndalojë më 25 qershor. Më 25 qershor është radha e banorëve të Cërrikur, Shalsit, Mollasit dhe shqiptarëve që të marrin Shqipërinë në dorë dhe të të bëjnë kosh ty. Me votën tuaj do të ndryshojmë kushtetutën, ku asnjë politikan nuk do të bëjë më kosh, pasi populli do të zgjedhdhë dhe do të mund të shkarkojë deputetët që nuk realizojnë premtimet. Edi Rama do vazhdojë edhe këto 3 javë, ai vetë jeton në një flluckë i rrethuar nga një grusht oligarkësh dhe kriminelësh, ajo është Shqipëria e tij dhe tmerrohet të shohë hallet dhe dhimbjet tuaja.

 Vendimi im i parë që është hartuar nga këshilltarët e Merkel do të jetë ulja e taksës së TVSH me 9%.

Hapi i dytë do të jetë financimi praktika pune me 200 mijë lekë në muaj për 10 mijë të rinj që mbarojnë shkollën” tha Basha.

 

Të fundit