Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Basha: PS është shkrirë. Pse ka rilindur shpresa

Politiko 8 Maj 2019, 17:04

Basha: PS është shkrirë. Pse ka rilindur shpresa

Kryetari i PD-së Lulzim Basha u shpreh nga Korça se Partia Socialiste është shkrirë pasi Edi Rama e bën fushatën me grupet kriminale si Bajrin, Avdylajn dhe Shullazin.

Sipas Bashës, arsyeja kryesore e rilindjes së shpresës ka ardhur nga bashkimi, nga qëndresa e qytetarëve, nga përballja e tyre nga beteja e përditshme kundër të keqes dhe nga vendosmëria për t’i shkuar betejës deri në fund.

Pjesë nga fjala e Bashës:

Partia Socialiste është shkrirë. Fushatën elektorale Rama e bën me Safet Bajrin, Astrit Avdylajn, sanxhaktarët e Elbasanit dhe me kriminelët që i mblidhte Rragami këtu në Korcë, me Shullazin në Tiranë, pra me 10 banda kriminale. Këto banda janë shtylla e pushtetit të tij që kontrollojnë gjithçka, tenderat, lejet e ndërtimit, gjithçka. Të gjithë këta janë kapur në përgjimet me vjedhje votash dhe po të ishim një minimum drejtësie, një prokurori, në qeli duhet të ishte Damian Gjiknuri, Taulant Balla, dhe jo Klevis Balliu. Po të kishim një minimum drejtësie aty duhet të ishte vetë Edi Rama. Kjo bandë hajdutësh dhe kriminelësh është arsyeja që mijëra baballarë s’i thonë më vetes biznesmenë, por i thonë tëapunë. Kjo është arseyja që 360 mijë fermerëve u shkon mendja vërdallë dhe sbuzëqeshin dot sic duhet të buzëqeshin çdo pranverë. Kanë lidhur kokën me peshqirë sepse 95 % e produkteve sdo ta shohin dot tregun ose do ta shohin me çmime më të larta. Ndodh kjo sepse fermerët kanë një palokryeministër që s’jep subvencione për fermerët. Jo vetëm kaq, por naftën fermeri e paguan më të lartën në Evropë, për shkak të taksës Rama, 300 lekë mbi çdo litër naftë është taksa Rama.

Për shkak të Ramës dhe oligarkëve studentët kanë arsimin me cilësinë më të dobët, por me tarifat më të larta në botë. Qindra e mijëra dollarë hedhin nëpër spektakle nga taksat tuaja, por nuk gjejnë para për të futur në ndihmë ekonomike ata që spaguajnë dot bukën e gojës, ndërkohë që pensionet i indeksojnë më pak sesa inflacioni. Si ka mundësi që vjen në pushtet një klikë e tillë horrash? Pse na ndodh ne? Për dy arsye, sepse skanë ardhur me votë, por me krim. Dhe e dyta se Rama ka përdorur me eficencë strategjinë e shkurajimit. I shkurajon me dhunë, me kërcënime për ti larguar nga puna, për ti futur në burg, i shkurajon me përçarje, duke hedhur banorët kundër njëri tjetrit. Shkurajim përmes shantazhimit, propagandës, ka qenë vegla e qendrimit në pushtet, të ardhur nëpërmjet krimit.

Por diçka ka ndodhur. Me 16 shkurt shqiptarët kanë ndjerë një burim të madh energjie. Pjesëmarrja, qëndresa dhe përballja është sekreti. E pashë kudo, e pashë edhe në Korçë, shpresën e preka kudo, besimi tek e nesërmja është rindezur. Arsyeja kryesore e rilindjes së shpresës ka ardhur nga bashkimi ynë, nga qëndresa jonë, nga përballja jonë, nga beteja e përditshme kundër të keqes, nga vendosmëria për ti shkuar betejës deri në fund. Nuk i dogjëm kot mandatet, i dogjëm për ti treguar cdo qytetari se beteja jonë nuk ka kthim deri në largimin e klikës dhe se nuk do të ketë asnjë kompromis me të keqen. Nuk ka hap prapa se prapa ka vetëm greminë, ka vetëm korrupsion. Djegia e mandateve është hipoteka jonë mbi të cilën kemi ndërtuar bashkimin tonë,qëndresën tonë.

Gjysmën e betejës e kemi fituar. Në 11 javë tashmë është realitet se vendi do të shkojë drejt zgjedhjeve të parakohshme parlamentare.

Ndërsa për mediat nga Korça, Basha u shpreh:

"Edi Rama është një njeri i mbaruar politikisht. Ne jemi këtu sot jo vetëm për të konfirmuar vendosmërinë tonë për t’i shkuar deri në fund betejës sonë, që bëhet për çdo shqiptar, edhe për socialistët, por për të bërë që të kumbojë bashkë me vendosmërinë tonë edhe mesazhi i shpresës dhe besimit, tek e nesërmja e mirë që po vjen. Ajo që më ka bërë përshtypje të jashtëzakonshme, është se bashkë me vargun e gjatë të makinave, që kishin dalë të më prisnin, të gjithë qytetarët e tjerë shprehën entuziazëm. Aty ku ka qëndrese, aty ku ka pjesëmarrje, ku ka përballje, aty lind shpresa, lind besimi. Dhe falë qëndresës, përballjes dhe pjesëmarrjes, jo vetëm demokratëve, por të gjithë qytetarëve që i janë bashkuar kësaj beteje, ka rilindur shpresa dhe besimi se Korça dhe Shqipëria, do të kenë një të ardhme më të mirë, me një qeveri që mendon për popullin dhe kujdeset për qytetarët”.