Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Basha shpalos alternativën e PD-së për të rinjtë: Stazh me financim nga buxheti i shtetit për 10 mijë të sapo diplomuar çdo vit
Kryetari i Partisë Demokratike, Lulzim Basha, bëri të ditur se një nga pikat kryesore të programit ekonomik të demokratëve, i hartuar në bashkëpunim me ekspertët e CDU-së, është i dedikuar për të rinjtë.
Basha tha se PD në pushtet do të ofrojë një stazh, të paguar nga buxheti i shtetit për 10 mijë të sapo diplomuar në vit. Sipas kreut të demokratëve, një skemë e tillë do të shërbejë për të ndërtuar një urë mes botës universitare dhe tregut të punës.
“Një nga kolonat tona kryesore të ofertës tonë për rininë, është trajnimi i dyfishtë profesional. Të cilin, në programin tonë ekonomik të hartuar me ndihmën e ekspertëve të CDU-së do ta gjeni në formën e një stazhi të ofruar fillimisht për 10 mijë të sapo diplomuar në vit dhe të subvencionuar nga buxheti i shtetit me qëllim që të ndërtojmë një urë mes botës universitare dhe tregut të punës”, u shpreh Basha gjatë tryezës së zhvilluar me praninë edhe të Dr. Martin Henze, kryetar i komisionit të Transportit në Këshillin Ekonomik të CDU.
Kujtojmë këtu që vetëm pak ditë më parë u publikuan të dhënat e një sondazhi ku tregonte për 79% të të rinjve shqiptarë të cilët duan të largohen nga vendi