Kryetari i Partisë Demokratike, Lulzim Basha ka hedhur poshtë akuzat se ka marrë financime nga Rusia, dhe argumentoi se përse është Edi Rama njeriu që po vë në jetë skenarët e destabilizimit. Ai kujtoi se kryeministri bashkë me presidentin e Serbisë Vuçiç dhe mbështetës të tjerë, u përpoqën të destabilizonin rajonin.
“Cili është presidenti më pro-rus në Ballkan? Republika e Serbisë? Cili është Presidenti i Serbisë? Aleksandër Vuçiç, i cili e konsideron Putinin vëllanë e madh. Cila është marrëdhënia midis Edi Ramës dhe Vuçiçit? Është marrëdhënia që çoi deri në tentativën e çmendur për të destabilizuar Ballkanin, për të ndryshuar kufijtë, për të copëtuar Kosovës për të tërhequr vëmendjen nga kriza politike që Edi Rama ka në Shqipëri dhe disa nga problemet që protagonistët kanë në shoqëritë e tyre.
Nëse ka një skenar rus në Shqipëri? Zbatuesi e ka emrin Edi, Astrit, Rama Avdylaj. Nuk ka investim më të madhe për të destabilizuar Shqipërinë, se të shkrish shtetin njësh me krimin. Të tjerat janë broçkulla, të paguara me paratë tuaja, dhjetëra milionë euro”, tha Basha.
Discussion about this post