Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bashkohen partitë shqiptare në Mal të zi. Deputeti i Shkodrës: vetëm hapi i parë, të shkohet më tej

Politiko 31 Janar 2019, 10:53

Deputeti demokrat i Shkodrës, Romeo Gurakuqi, e ka përshëndetur me një status-editorial në faqen e tij në Facebook bashkimin e partive shqiptare në Mal të zi për zgjedhjet vendore në prag. Historiani e quan vetëm një hap të parë këtë bashkim dhe kërkon unifikim të mëtejshëm që lidhet me ushtrimin e së drejtës së votës, votimin e shqiptarëve të Diasporës, shkollimin e fëmijëve dhe kujdesin për trashëgiminë kulturore, përfshirë edhe atë demografike.

Sipas Gurakquit ky bashkim do ta kthejë udhëheqësinë politike të trevave shqiptare në Mal të zi në duar të shqiptarëve.

Gurakuqi thotë se është punuar prej kohësh për hedhjen e këtij hapi duke lënë të kuptohet se është në dijeni të negociatave.

Statusi i plotë:

Malesia shqiptare e bashkuar ne nje koalicion parazgjedhor per zgjedhjet vendore ne Republiken e Malit te Zi: Ky asht nje lajm shume i mire per te cilin eshte punuar prej kohesh.
Koalicioni i nënshkruar prej kryetarit te Alternatives Shqiptare zotit Nik Gjeloshaj, kryetarit te Lidhjes Demokratike Shqiptare, zotit Nikollë Camaj dhe kryetarit te Unionit Demokratik te Shqiptareve per Malesine, zotit Fadil Kajoshaj, eshte hapi i pare qe do te mundesoje rikthimin e udheheqesise politike ne Komunen e Malesise, tek shqiptaret, pas disa vitesh terheqjeje, te shkaktuara nga politikat e sterholluara te percarjes e copetimit politik te njesise, te zbrazjes se heshtun dhe kolonizimit te pandalshem, te tokes stergjyshore te arberve te veriperendimit.
Eshte koha qe fasadat e deritanishme te Podgorices zyrtare per kinse respektim te te drejtave politike, perfaqesuese dhe pronesore, te bien dhe te vendosen perballe nje realiteti qe eshte thelbesisht i ndryshem.
Politikanet e urte te Malesise e bene hapin e pare.
Tashti kerkohet qe “Malesia na Bashkon” te kthehet ne nje parulle mobilizuese dhe vepruese, gja qe kerkon maturi, tolerance dhe keshillim te pershtatshem ne aspektin organizativ, perzgjedhor te burimeve njerezore perfaqesuese dhe krijimit te kushteve, qe te gjithe zgjedhesit shqiptare, kudo ndodhen, te kene mundesi te votojne.
Rivendosja e kontrollit politik te shqiptareve ne shtepine e tyre ne Malesi, do te thote: zotnim i plote i te drejtave te percaktueme nga kushtetuta e vendit ku sot ata jetojne, perkunder perpjekjeve sublime te eterve te tyre famemdhenj per te qene pjese perberese e shtetit te tyre ame;
ma shume investime dhe punesim per shqiptaret ne ate pjese te Alpeve dhe ultesires pergjate pjeses veriore te Liqenit te Shkodres; ndalje e kolonizimit dhe zaptimit te pronave private dhe komunitare te Malesoreve, prona qe shtrihen prej kohesh qe nuk mbahen mend, ne nje siperfaqe te madhe deri ne hyrje te kryeqytetit malazias;
me shume shkollim i femijeve ne gjuhen shqipe dhe rishnderrim i Gjimnazit “25 Maji”, ne nje vater te perparimit te brezit te ri te Malesise, ashtu sikurse Ministri i famshem i arsimit dhe biri i ndritur i Trieshit, Mirash Ivanaj, do ta kishte enderruar.
Koalicioni eshte nje perpjekje e shkelqyer per maksimalizimin e votes, por qe duhet te shoqnohet me sigurimin e pjesmarrjes ne votim te te gjithe shqiptareve me te drejte vote.
E randesishme asht krijimi i te gjitha kushteve per pjesemarrjen e diaspores ne proces.
Me, 3 mars 2019, diten e zgjedhjeve, bijte e Malesise, qe te detyruar nga diskriminimet e heshtuna dhe te zgjatuna ne kohe, ndodhen te shperndare ne kater anet e botes, asht e nevojshme te jene ne trojet e tyne, per t’i thane ndal avancimit te padrejte te zaptuesve dhe per te shenuar dhe festuar, nje fillim te ri, rimarrjeje te te drejtave demokratike qe u takojne, per te ushtruar politikat e tyre te lirise.
Nderkohe, nuk duhet te harrojme, se zgjedhjet lokale dhe ky organizim eshte vetem seanca e pare “stervitore”, per nje faze edhe me te randesishme politike: zgjedhjet e ardhshme te pergjithshme. Shqiptaret ne Mal te Zi duhet te pergatiten per dergimin e nje perfaqesie te kualifikueme dhe imponuese ne Parlamentin e ardhshem te Podgorices.
Po ashtu, bashkimi politik ne Malesi, mund te sherbeje per te kujtuar, se Malesia ka perkrahjen Ulqinit, Anes se Malit, Krajes, Tivarit te Vjeter, Shestanit. Nuk duhet te harrojme se secila prej ketyre aneve te trevave shqiptare perballohen me fenomene te ngjashme, ose edhe me te renda, te zbrazjes dhe perpjekjeve per shnderrim identitar, kulturore dhe pronesor.
E gjitha kjo, terheq vemendjen per nje mobilizim dhe bashkim te gjithanshem te faktorit shqiptar dhe nje konceptim te zgjuar dhe europianist te aksionit te ardhshem politik, nga malet e Trieshit, Kojes, Traboinit etj., deri ne Ulqinin e Adriatikut.
Urimet ma te mira per ju vellezer!