Bebe Rexha probleme serioze me shëndetin, duhet t`i nënshtrohet operacionit

Prej disa ditësh tashmë, Bebe Rexha është duke kaluar një periudhë aspak të mirë shëndetësore dhe këtë fakt ua ka treguar dhe fansave të saj në rrjetet sociale ku është shprehur se ajo po vuan shumë prej infeksionit të sinuseve.

“Jam kaq e lodhur, dua vetëm të marr frymë nga hunda, kjo është ajo që dua. Dhe tani kam marr një infeksion të sinuseve prej 10 ditësh dhe jam thjesht e mbaruar”, tregoi Bebe.

Por gjendja e saj është përkeqësuar edhe më shumë e pas një vizite të kryer, asaj ju tha se duhet t’i nënshtrohet një operacioni. “Unë shkova te doktori për infeksionin tim të sinuseve, që nuk është duke u larguar dhe zbulova se duhet të hyj në operacion, për brendësinë e hundës sime sepse është devijuar dhe kjo është arsyeja pse kam marrë infeksion të sinuseve.”