Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Besa kundër nazistëve”, Kapllani: Shqiptarët dhe grekët refuzojnë të jenë armiq

Politiko 5 Dhjetor 2018, 09:43

“Besa kundër nazistëve”, Kapllani: Shqiptarët dhe

Shkrimtari dhe mbrojtësi i të drejtave të emigrantëve shqiptarë në Greqi, Gazmend Kapllani ka shpërndarë në rrjetet sociale një mesazh të rëndësishëm për paqe mes shqiptarëve dhe grekëve.

Nisma #Besa kundër nazistëve ka për qëllim që t’i jepet fund një herë e mirë sulmeve ekstremiste, duke theksuar faktin se banditë neonaziste rrahin ose vrasin emigrantë të pafajshëm shqiptarë në Greqi.

“Shqiptarët dhe grekët refuzojnë të jenë armiq”, shkruan ndër të tjera Kapllani në postimin e tij.

Postimi i plotë:

#Besa kundër nazistëve

Për të gjithë miqtë dhe lexuesit e mi, kudo që ndodhen në Europë apo në vende të tjera: ju lutemi lexojeni, shpërndajeni, mbështesni. Ju lutem ndihmoni për të përhapur fjalën.

Petrit Zilfe, një emigrant shqiptar në Greqi, u vra në mënyrë barbare disa ditë më parë nga një përkrahës i Agimit të Artë, partisë neo-naziste greke që ulet në parlamentin grek. I njëjti parlament ka lavdëruar në tetor 2018 një ekstremist të krahut të djathtë që urren marrëdhëniet e mira midis Greqisë dhe Shqipërisë. Mediat greke, të cilat për dy muaj kanë zhvilluar një fushatë të pashembullt të dezinformimit dhe urrejtjes kundër Shqipërisë dhe emigrantëve shqiptarë në Greqi, heshtën për krimin e tmerrshëm.

Kjo nuk është hera e parë që banditë neonaziste rrahin ose vrasin emigrantë të pafajshëm në Greqi. Krimet e tyre kundër emigrantëve janë fshehur në heshtje nga mediat greke dhe politikanët grekë. Vrasësit nuk ndëshkohen kurrë për motivet e tyre raciste. Për më tepër, prania e neonazistëve, kohët e fundit, në shkollat e mesme greke manifeston ngritjen e një mjedisi shumë toksik dhe me urrejtje për të rinjtë në Greqi.

Kjo është arsyeja pse duhet të themi: Mjaft!

Shqiptarët dhe grekët refuzojnë të jenë armiq.

Për të jetuar së bashku në paqe, ne duhet të luftojmë së bashku kundër nazizmit. Ne nuk do të pranojmë vrasjen e njerëzve të pafajshëm për t'u bërë pjesë e jetës sonë të përditshme.

Ne ftojmë motrat dhe vëllezërit tanë në Greqi, Shqipëri dhe kudo në botë për të përhapur mesazhe të rezistencës dhe solidaritetit në mediat sociale ose dritaret e shtëpive të tyre ose makinave nën logon: #Besa kundër nazistëve - Grekët dhe shqiptarët kundër nazistëve.

Ju lutemi ndani mesazhet tuaja të solidaritetit në një copë letre të thjeshtë dhe ngjitini ato në dritaret e shtëpisë tuaj, në makina ose thjesht shpërndajini ato në mediat sociale për miqtë tuaj dhe bashkëqytetarët tuaj! Ky lloj demonstrimi nuk kërkon praninë fizike në një vend të caktuar, por rrit vetëdijen në mënyrë simbolike për qëllimin tonë të përbashkët: një komunitet, një qytet, një vend, një kontinent ku shqiptarët dhe grekët jetojnë së bashku në paqe dhe solidaritet!

#Besa kundër nazistëve