Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Blushi zëvendëson financieren e partisë, ajo e padit në KQZ

Politiko 15 Qershor 2017, 14:53
Blushi zëvendëson financieren e partisë, ajo e padit në KQZ

Një prej katër financiereve të certifikuara të LIBRA­s Adriana Kalaja, i është drejtuar Komisionit Qendror te Zgjedhjeve mbi zëvendësimin e paligjshëm të saj nga drejtuesi i LIBRA. Sipas saj kjo është shkelje ligjore e Kodit Zgjedhor.

Kalaja: Familjarët e Hafizit kanë privatizuar LIBRA­n

Në letrën ku Kalaja shpjegon procedurën e emërimit të financierëve të “LIBRA” ajo thotë se familjarët e Hafizit që paguajnë qiranë e selisë kanë privatizuar “LIBRA­n”.

Ankesa e depozituar në KQZ “Duke shprehur konsideratat me te mira për Ju dhe Institucionin e Komisionit Qendror te Zgjedhjeve, Ju bej me dije se Partia “LIBRA” është një organizate politike e krijuar ne zbatim te Ligjit Nr.8580 date 17.02.2000 “Për Partitë Politike”, i ndryshuar. Me date 25.10.2016, një grup themeluesit ku bej pjese dhe unë vendosem themelimin e Partia “LIBRA” ku ndër të tjera, sipas procesverbalit te themelimit, u vendos zgjedhja e Financieres se partisë, znj. Adriana Kalaja. Mbi bazën e këtij procesverbali dhe akteve te tjera ligjore te miratuara nga anëtaret themelues, Partia “LIBRA” ju drejtua Gjykatës se Rrethit Gjyqësor, e cila me vendimin Nr.9572 date 25.11.2016 vendosi pranimin e kërkesës dhe regjistrimin e Partia “LIBRA”. Pas marrjes së kësaj detyre, jam munduar ta përmbush me seriozitet dhe korrektësi maksimale.

Gjate periudhës qe unë kam ushtruar mandatin, është krijuar një klime problematike ne lidhje me ndërhyrjen anti ligjore te atyre qe në këndvështrimin tim e kanë privatizuar LIBRA­n (familjarët e znj. Hafizi që paguajnë qiranë e selisë) për fshehje të financimeve ose ndërhyrje në situatën financiare të organizatës, situate e cila çoi znj. Hafizi të merrte një hap tjetër të kundërligjshëm. Me datë 26.12.2016, ne anëtarët e Bërthames së Përkohshme, jemi njoftuar për një mbledhje të datës 27 Dhjetor, ku një ndër pikat e rendit të disatë ishte dhe ai i “zgjedhjes së Administratorit të LIBRA”.

Këtë rend dite e kundërshtuan disa anëtarë të Bërthamës, të cilat unë po ua vë në dispozicion me argumentimin se LIBRA e ka një Administrator (Financier). Nisur nga fakti se situata po komplikohej dhe se unë nuk mund të vazhdoja të ushtroja mandatin nën një klimë të papërshtatshme si institucionale ashtu dhe në atë të merrëdhënieve brenda anëtarësisë së organizatës, me mailin e datës 27 Dhjetor (të cilin po ua vë në dispozicion) kërkova dorëheqjen. Megjithëse u bë një emërim (nga Kryetari dhe “nënkryetarja” e vetëzgjedhur) dhe jo një votim nga Bërthama, unë kërkova që formalisht të mbahej një procesverbal me numrin e anëtarëve prezent dhe votën e gjithësecilit. Në dijeninë time nuk ka një procesverbal të tille dhe kjo mangësi ligjore e ka çuar situatën në nivelin ku ne ndodhemi sot e kësaj dite.

Gjatë gjithë periudhës, i kam kërkuar Kryetarit qoftë me maile qoftë dhe verbalisht qe të ndërmerren hapat ligjorë për zëvendesimin e Financierit (Administratorit) ne institucionet ku ligji kërkon të bëhen ndryshime, gjë e cila nuk ka ndodhur. Pas kërkesave të shumta dhe pas njoftimit të bërë nga unë se nëse nuk bëhen ndryshime sipas kërkesave të ligjit, hapat e mëtejshëm do t’i bëja vetë kryesisht, me date 27.04.2017, mora dijeni rastësisht (jam eksperte kontabël dhe avokate në sistemin gjyqësor) se ishte caktuar seance gjyqësore për zëvendësimin e Financierit. Pasi u paraqita pranë gjyqtares së caktuar me short, pala kërkuese nuk u paraqit.

Nisur nga fakti se pala kërkuese (LIBRA) nuk kishte paraqitur një shkak ligjor për mos prezencën në seance, Gjykata vendosi të pushojë çështjen. Nga ana tjetër, nga mediat vizive dhe jo zyrtarisht kam marrë informacionin që emri i Financierit të depozituar pranë KQZ është z. Bledar Barçi. Përveç se është e paprecedentë, kjo situate është në shkelje të rëndë te kërkesave të ligjit nga Kryetari i “LIBRA” pasi Ligji Nr.8609 date 08.05.2000 “Kodi Zgjedhor i Republikës së Shqipërisë” i ndryshuar, në nenin 12 pika d­ sanksionin se për regjistrimin e partive politike, krahas të tjerave duhet te depozitohet dhe: “d) emrin dhe adresën e financierit të partisë”; Duke qene se ligjërisht jam unë Financierja e partisë “LIBRA” kush është shkaku dhe baza ligjore qe vihet një emër që mbi të gjitha as ai nuk e ushtron më këtë detyrë?

I nderuar Kryetar, Te nderuar anëtarë të KQZ, Situate është shumë e rëndë dhe në shkelje flagrante të ligjit pasi, sipas akteve që unë do ua vë në dispozicion, në partinë “LIBRA” ka 3 (tre) Financierë: Adriana Kalaja e cila është zgjedhur nga Anëtarët Themelues dhe figuron në vendimin e Gjykatës së Rrethit Gjyqësor Tiranë Nr.9572 date 25.11.2016 (bashkëngjitur kërkesës); Bledar Barçi i cili është emëruar nga z. Blushi dhe znj. Hafizi me datë 27.12.2016, dhe që figuron edhe në aktet e regjistrimit në partinë “LIBRA” në KQZ; Bjorni Kaxhiu i cili e ushtron tani detyrën e Financierit në partinë “LIBRA”. Nisur nga fakti se shpërdorimi i fondeve monetare është vepër penale dhe kjo është direkt përgjegjësi e Financierit të partisë “LIBRA” si dhe nisur nga fakti se ligjërisht unë jam Financierja e kësaj partie, kërkoj nga Ju: Të më vihet ne dispozicion një kopje e të gjithë dokumenteve të regjistrimit (ato që kanë lidhje me Finacierin) të partisë “LIBRA”; Të më vihet në dispozicion një kopje e dokumentacionit financiar në lidhje me fondet e përfituara nga Partia “LIBRA”, dhe kush është personi që ndjek aktualisht marrëdhënien financiare me KQZ; Te merren masa për sistemin e kësaj situate të paligjshme dhe të paprecedente. Në varësi të përgjigjes dhe informacionit qe do marr nga Ju, do vendos për zgjidhjen e çështjes kryesisht me ndjekje te një procesi civil dhe penal. Me konsideratë, Adriana KALAJA. Tema.al

Të fundit