Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Abramovich transferoi kompaninë ditën kur Rusia pushtoi Ukrainën

Politiko 18 Mars 2022, 15:03

Abramovich transferoi kompaninë ditën kur Rusia pushtoi Ukrainën

Biznesmeni rus Roman Abramovich transferoi një kompani që ai kontrollonte me dhjetëra milionë dollarë investime te një drejtori i klubit të futbollit Chelsea në ditën kur Rusia pushtoi Ukrainën, tregojnë dosjet e reja të korporatave.

Një analizë e Reuters e dosjeve të korporatave në Londër dhe Amsterdam tregoi se Abramovich ishte listuar më parë si "pronari përfitues" i Ervington Investments Limited me bazë në Qipro. Kompania ka bërë investime në të paktën tetë firma, duke përfshirë motorin kryesor të kërkimit të Rusisë Yandex, treguan dosjet.

Abramovich transferoi kompaninë ditën kur Rusia pushtoi Ukrainën

Më 24 shkurt, Eugene Tenenbaum, një drejtor i Chelsea, i cili përshkruhet në faqen e internetit të klubit si një nga "bashkëpunëtorët më të afërt" të Abramovich, mori kontrollin e plotë të Ervington.

Tenebaum ka thënë për "Reuters" se ai e bleu kompaninë "në përputhje me ligjet dhe rregulloret" - por nuk pranoi të thoshte se sa kishte paguar. Është hera e dytë që pronari i Chelseat transferon asetet te një bashkëpunëtor i ngushtë përpara se Mbretëria e Bashkuar dhe BE të vendosnin sanksione ndaj tij.

Gjithashtu në ditën e parë të sulmit ai transferoi Norma Investments te David Davidovich, një tjetër bashkëpunëtor. Mbretëria e Bashkuar ka qenë më e ngadalshme në vendosjen e sanksioneve pas pushtimit të 24 shkurtit, për të cilin kritikët thonë se u dha kohë oligarkëve për të lëvizur asetet e tyre jashtë vendit përpara se të shpalleshin kufizimet, me hyrjen në fuqi të tyre më 10 mars.

Abramovich transferoi kompaninë ditën kur Rusia pushtoi Ukrainën

Abramovich nxori në shitje kampionët e Evropës në fuqi, Chelsea, më 2 mars, por pas njoftimit të sanksioneve, klubi u detyrua të operonte nën një licencë të veçantë dhe tani kontrollohet efektivisht nga qeveria. 55-vjeçari është një nga sipërmarrësit më të fuqishëm të Rusisë, me pasurinë e tij që vjen nga nafta dhe alumini pas shpërbërjes së Bashkimit Sovjetik në vitin 1991. Pasuria e tij neto vlerësohet në më shumë se 13 miliardë dollarë (9.91 miliardë paund). Ai më parë ka mohuar të ketë lidhje të ngushta me Putinin.

Të fundit