Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Analisti amerikan: Sergey Lavrov dha ‘puthjen e vdekjes’ për “Open Balkan”, pse Vuçiç rrezikon Ballkanin

Politiko 7 Qershor 2022, 10:29

Analisti amerikan: Sergey Lavrov dha ‘puthjen e vdekjes’ për

Vizita e ministrit të Jashtëm rus që do të zhvillohej dje në Serbi, u anulua. Sergey Lavrov nuk u lejua të fluturojë drejt Ballkanit, pasi tre shtete (RMV, Mali i Zi dhe Bullgaria) bllokuan hapësirën ajrore të fluturimit.

Mirëpo, mosardhja e Lavrov ‘u kompensua’ me një deklaratë të fortë, teksa ministri i Jashtëm iu referua nismës ‘Open Balkan’, teksa deklaroi se vizita e tij në Serbi do të përkonte edhe me mbështetjen e Rusisë ndaj saj.

Analisti amerikan Edward P. Joseph ka komentuar në Twitter deklaratën e bërë së fundmi nga Lavrov duke e quajtur ‘puthjen e vdekjes’ për ‘Ballkanin e Hapur’. Sipas Joseph, nisma në fjalë është një ftesë e hapur për presidentin serb Aleksandër Vuçiç që të shfrytëzojë ekonominë për qëllime politike, pa kufizime nga BE.

Teksa i referohet edhe mbështetjes që nisma ka marrë nga SHBA, e cila e etiketon si ‘Tregti të barabartë’, analisti përmend rastin e Ukrainës ku aty Rusia ishte partneri kryesor i tregtisë, e megjithatë ishte po ai partner që nisi luftën duke shkatërruar vendin.

Joseph parashikon të njëjtën situatë edhe për vendet e Ballkanit Perëndimor.

“Ashtu si falënderimi për Putinin për injektimin e jetës në NATO, lavdërime për Sergej Lavrov që i dha puthjen e vdekjes sot Open Balkan. Kjo ide e administratës Trump avancon axhendën e partnerit strategjik të Rusisë në rajon, Serbisë, nën drejtimin e Aleksandër Vuçiqit, dega kryesore e Rusisë në vend, Sputnik Serbia, ka mbështetur vazhdimisht Open Balkans. Dhe pse jo? Open Balkan është ftesë e hapur për Vuçiqin që të shfrytëzojë madhësinë ekonomike të Serbisë për avantazhe politike – pa kufizime politike apo vlera të BE-së. Ballkan i hapur = 'Bota Serbe' nëpërmjet tregut për fqinjët më të vegjël të Serbisë. Duke besuar se Vuçiç dëshiron të bashkohet me BE-në, zyrtarët e SHBA-së kanë pranuar nocionin se "Tregtia është e barabartë me besimin". Ajo që ka rëndësi është karakteri i regjimit me të cilin po tregtoni. Pyesni Ukrainën: deri më 24 shkurt, Rusia ka qenë partneri kryesor tregtar i Kievit, për eksportet dhe importet. Pyesni Japoninë, Korenë e Jugut ose Tajvanin nëse tregtia ka ndërtuar besim me Kinën. E njëjta histori në Ballkan. Serbia është partneri tregtar numër një i Malit të Zi, për importe dhe eksporte – dhe Beogradi është në vendin e fundit për sa i përket besimit. Miratimi i fundit i kryeministrit të Malit të Zi për Open Balkan ka përkeqësuar ndarjet në vend. Çdo politikë në Ballkan që përballet me kërcënimin e drejtpërdrejtë nga Serbia është skeptike, nëse jo dyshuese ndaj Open Balkan. Siç ka vënë në dukje BERZH në diagnostikimin e saj të Bosnjës, problemet thelbësore ekonomike janë të natyrës politike. Ashtu siç Putini ka nxitur NATO-n, shpresojmë se Lavrov do të nxisë alternativat për Ballkanin e Hapur që ndërtojnë një treg të përbashkët rajonal mbi vlerat e përbashkëta të BE-së”, shkruan Joseph në Twitter.

Të fundit