Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Andrew Cuomo akuzohet sërish për ngacmim seksual

Politiko 1 Mars 2021, 09:00

Andrew Cuomo akuzohet sërish për ngacmim seksual

Guvernatori i New York, Andrew Cuomo është akuzuar për herë të dytë për ngacmime seksuale, nga një ish-vartëse e tij.

Ish-punonjësja, Charlotte Bennett, pretendon se Cuomo e ka pyetur lidhur me jetën e saj seksuale, nëse ajo kishte marrëdhënie monogame dhe nëse kishte pasur ndonjëherë marrëdhënie seksuale me burra të moshuar, sipas Times. Bennett i tha gazetës se incidentet e pretenduara ndodhën pranverën e kaluar, gjatë kulmit të luftës së shtetit kundër koronavirusit.

Bennett ishte më parë asistente ekzekutive dhe këshilltare e politikave shëndetësore në administratën e guvernatorit Demokratik derisa ajo u largua në nëntor. Bennett tregoi një episod të veçantë për Times që pretendohet të ketë ndodhur më 5 qershor, në të cilin ajo ishte vetëm me Cuomo në zyrën e tij në Albany. 25-vjeçarja tha se guvernatori demokrat i kishte bërë asaj një seri pyetjesh personale, duke deklaruar se ai ishte i hapur për marrëdhënie me gra në të 20-at e tyre, të cilat Bennett i interpretoi si përpjekje të qarta për një marrëdhënie seksuale.

Në një deklaratë të shtunën, Cuomo mohoi akuzat duke thënë se ai besonte se ai kishte vepruar si mentor dhe muk kishte kalaur kurrë kufirin apo të vepronte në mënyrë të  papërshtatshme".

Cuomo tha se ai kishte kërkuar një "rishikim të jashtëm" të çështjes dhe kërkoi që banorët e Nju Jorkut të presin rezultate përpara se të gjykojnë.

“Unë nuk do të kem asnjë koment tjetër derisa të përfundojë gjykimi," tha Cuomo.

Raporti i Times për akuzën e një ndihmëse të dytë, vjen pasi një ish-punonjëse tjetër e akuzoi atë për ngacmim seksual, duke përfshirë një puthje të padëshiruar.

Lindsey Boylan pretendoi që në 2018, guvernatori Demokrat e puthi atë në buzë pas një njoftimi në zyrën e tij në New York. Cuomo gjithashtu i mohoi me forcë akuzat në një konferencë shtypi në dhjetor kur Boylan i bëri ato për herë të parë.

Sekretarja e shtypit i Shtëpisë së Bardhë, Jen Psaki, kur u pyet në lidhje me akuzat për ngacmim seksual nga Boylan, tha se çdo person meriton të dëgjohet.

"Presidenti ka qenë i qëndrueshëm në pozicionin e tij. Kur një person del përpara - ata meritojnë të trajtohen me dinjitet dhe respekt. Zëri i tyre duhet të dëgjohet, jo të heshtet. Dhe çdo pretendim duhet të rishikohet," tha Psaki.

Të fundit