Flash News

Zbulohet vajza bjonde në burgun e Peqinit, dyshime se takoi 2 të dënuar

Aksident në Gjermani, humbin jetën dy motrat shqiptare (Emrat)

Qëndresa para Kryeministrisë vazhdon, një grup protestuesish kalojnë natën në bulevard

Posta e mëngjesit/ Me 2 rreshta: Çfarë pati rëndësi dje në Shqipëri

Nis protesta e 22-të kundër Ramës, mijëra qytetarë në shesh

Bota

Andy Burnham shpall kandidaturën për kryeministër të Britanisë

Politiko 22 Qershor 2026, 13:34

Andy Burnham shpall kandidaturën për kryeministër të

Pas dorëheqjes së Keir Starmer nga drejtimi i qeverisë, Andy Burnham ka konfirmuar se do të kandidojë për ta zëvendësuar atë në postin e kryeministrit të Britanisë së Madhe.

Burnham, një nga figurat më të njohura të Partisë Laburiste, reagoi përmes një deklarate në rrjetet sociale, ku falënderoi Starmerin për shërbimin dhe udhëheqjen e tij. “Keir i ka shërbyer shumë vendit tonë dhe dua ta falënderoj për udhëheqjen dhe përkushtimin e tij gjatë një periudhe shumë sfiduese”, shkroi Burnham.

Ai tha se procesi i zëvendësimit duhet të zhvillohet në mënyrë të rregullt dhe me përgjegjësi, duke konfirmuar se do të jetë pjesë e garës. “Do të paraqitem në këtë proces”, deklaroi ai.

Burnham theksoi se prioritetet kryesore duhet të jenë ekonomia, kostoja e jetesës, shërbimet publike, strehimi dhe mundësitë për brezin e ri. “Vendi kërkon stabilitet, seriozitet dhe një fokus të vazhdueshëm te çështjet që kanë më shumë rëndësi”, tha ai.

Gara për drejtimin e Partisë Laburiste dhe postin e kryeministrit pritet të nisë pas largimit të Starmerit, ndërsa partia përballet me presion për të rikthyer besimin e qytetarëve dhe për të ruajtur qeverisjen.

Të fundit