Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Asambleja e BE-së kërkon gjykatë speciale për luftën e Rusisë në Ukrainë

Politiko 19 Janar 2023, 15:55

Asambleja e BE-së kërkon gjykatë speciale për luftën e

Asambleja e Bashkimit Evropian u bëri thirrje vendeve anëtare të enjten që të mbështesin krijimin e një gjykate speciale për të gjykuar çdo krim lufte të agresionit nga Rusia në Ukrainë.

Rezoluta jodetyruese u miratua me 472 vota pro dhe 33 abstenime në Parlamentin Evropian dhe nënvizoi gatishmërinë e BE-së për të siguruar që Moska të sillet para drejtësisë për pushtimin rus të Ukrainës, raporton Associated Press.

Legjislativi i bëri thirrje BE-së "të punojë në bashkëpunim të ngushtë me Ukrainën për të kërkuar dhe ndërtuar mbështetje politike në Asamblenë e Përgjithshme të OKB-së dhe forume të tjera ndërkombëtare për krijimin e gjykatës speciale për krimin e agresionit kundër Ukrainës".

Thirrja erdhi pavarësisht se kryeprokurori i Gjykatës Penale Ndërkombëtare tha se gjykata e tij ishte në gjendje të trajtonte në mënyrë efektive krimet e luftës të kryera në Ukrainë.

Karim Khan në atë kohë u tërhoq kundër planit të Presidentes së Komisionit Evropian Ursula von der Leyen për të krijuar një gjykatë të tillë speciale.

Parlamenti Evropian tha se “konsideron se krijimi i gjykatës speciale do të plotësonte përpjekjet hetimore të GJPN-së dhe Prokurorit të saj, pasi do të fokusohej në gjenocidin e supozuar, krimet e luftës dhe krimet kundër njerëzimit të kryera në Ukrainë”.

Të fundit