Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

BE planifikon të ulë importet e gazit rus me dy të tretat këtë vit dhe të mos ketë asnjë varësi para vitit 2030

Politiko 8 Mars 2022, 16:31

BE planifikon të ulë importet e gazit rus me dy të tretat

Bashkimi Evropian ka përshkruar planet për të eliminuar varësinë e tij nga energjia ruse.

BE sqaron se do të shkurtojë importet e gazit rus me dy të tretat këtë vit dhe do të eliminojë nevojën e saj të përgjithshme për naftë dhe gaz rus " përpara vitit 2030", shkruan CNN.

BE-ja tha në një deklaratë për shtyp se planifikon të eliminojë varësinë e saj nga gazi rus nëpërmjet importeve më të larta të LNG-së dhe tubacioneve nga furnizuesit jo-rusë, dhe vëllimeve më të mëdha të prodhimit dhe importeve të biometanit dhe hidrogjenit të rinovueshëm; duke reduktuar më shpejt përdorimin e lëndëve djegëse në shtëpi, ndërtesat, industrinë dhe sistemin tonë energjetik, duke rritur efikasitetin e energjisë, duke rritur burimet e rinovueshme dhe elektrifikimin, dhe duke adresuar pengesat e infrastrukturës.”

Bashkimi Evropian varet nga Rusia për rreth 40% të gazit të saj natyror. Rusia gjithashtu furnizon rreth 27% të naftës që BE importon çdo vit.

Zëvendëskryeministri rus Alexander Novak tha të hënën se Rusia mund të ndërpresë furnizimin me gaz për Gjermaninë nëpërmjet tubacionit Nord Stream 1 në shenjë hakmarrjeje ndaj Scholz i cili bllokoi projektin e gazsjellësit Nord Stream 2.

BE njoftoi gjithashtu një sërë masash për të kundërshtuar rritjen e çmimeve të energjisë me të cilat blloku po përballet prej disa muajsh, të përkeqësuar tashmë nga shqetësimet për ndërprerjen e furnizimit, duke përfshirë kufijtë e mundshëm të përkohshëm të çmimeve dhe ndihmën afatshkurtër shtetërore për kompanitë e prekura nga çmimet e larta të energjisë.

Presidentja e Komisionit të BE-së, Ursula von der Leyen tha: “Ne duhet të bëhemi të pavarur nga nafta, qymyri dhe gazi rus. Ne thjesht nuk mund të mbështetemi te një furnizues që na kërcënon në mënyrë të qartë. Ne duhet të veprojmë tani për të zbutur ndikimin e rritjes së çmimeve të energjisë, për të diversifikuar furnizimin tonë me gaz për dimrin e ardhshëm dhe për të përshpejtuar tranzicionin e energjisë së pastër.”

Komisioneri i BE-së për Energjinë Kadri Simson tha se BE-ja ka "sasi të mjaftueshme gazi" për javët e mbetura të këtij dimri, por se "ne duhet të rimbushim rezervat tona urgjentisht për vitin e ardhshëm".

“Prandaj Komisioni do të propozojë që deri më 1 tetor, depozitimi i gazit në BE duhet të mbushet deri në të paktën 90%,” shtoi ajo.