Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Biden: Kërcënimet e Rusisë për armë bërthamore janë më seriozet që nga kriza e raketave kubane e 1962

Politiko 7 Tetor 2022, 08:40

Biden: Kërcënimet e Rusisë për armë bërthamore

Kërcënimet ruse për të përdorur armë bërthamore janë paralajmërimet më serioze që nga kriza e raketave kubane, tha presidenti amerikan Joe Biden.

Ky i fundit paralajmëroi homologun e tij rus Vladimir Putin "nuk po bënte shaka" kur ai flet për përdorimin e mundshëm të armëve taktike bërthamore ose armëve biologjike ose kimike.

“Për herë të parë që nga kriza e raketave Kubane, ne kemi një kërcënim të drejtpërdrejtë për përdorimin e armëve bërthamore, nëse në fakt gjërat vazhdojnë në rrugën që kishin shkuar”, u tha Biden donatorëve demokratë në Nju Jork.

Në krizën e vitit 1962, Shtetet e Bashkuara nën presidentin John Kennedy dhe Bashkimi Sovjetik nën udhëheqësin e tij, Nikita Hrushovin, iu afruan përdorimit të armëve bërthamore për shkak të pranisë së raketave sovjetike në Kubë.

"Unë nuk mendoj se ka ndonjë gjë të tillë si aftësia për të përdoru lehtësisht një armë bërthamore taktike dhe për të mos përfunduar me Armageddon," tha Biden.

Putin, i cili shënon ditëlindjen e tij të 70-të të premten, ka paralajmëruar se do të përdorë të gjitha mjetet e nevojshme, përfshirë arsenalin bërthamor të Rusisë.

Ndërsa një kundërofensivë ukrainase ka shtyrë forcat ruse në tërheqje të mëtejshme dhe ka rimarrë pjesë të mëdha të rajonit jugor të Khersonit.

Zelenskyy tha se forcat e Kievit rimorën më shumë se 500 kilometra katrorë dhe dhjetëra vendbanime në Kherson. Forcat ukrainase kanë rifituar kontrollin e mijëra kilometrave katrorë të territorit që nga fillimi i shtatorit, pasi vija e frontit rus është shkatërruar, së pari në verilindje dhe, që nga fillimi i kësaj jave, edhe në jug.

Burimi: Euronews

 

Të fundit