Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Blinken-Netanyahut: Vdekja e Sinwar është një mundësi për t'i dhënë fund luftës në Gaza

Politiko 22 Tetor 2024, 19:15

Blinken-Netanyahut: Vdekja e Sinwar është një mundësi

Sekretari amerikan i Shtetit, Anthony Blinken, i ka bërë thirrje kryeministrit izraelit Benjamin Netanyahu të shfrytëzojë vdekjen e liderit të Hamasit, Yahya Shinwar, për të arritur një armëpushim në Rripin e Gazës.

Gjatë takimit të tij me Netanyahun në Jerusalem, Blinken theksoi se Izraeli duhet të përdorë këtë mundësi për të siguruar lirimin e të gjithë pengjeve dhe për të ndaluar luftën në Gaza në një mënyrë që do të sigurojë stabilitet dhe siguri të qëndrueshme për të dy palët.

Blinken gjithashtu kërkoi nga Netanyahu të ndërmarrë hapa për të rritur dhe mbajtur fluksin e ndihmave humanitare në Gazë. Ai theksoi rëndësinë e hartimit të një rruge të re për pasluftën, e cila do t'u lejojë palestinezëve të rindërtojnë jetën e tyre dhe të krijojnë një sistem qeverisjeje të qëndrueshëm.

Gjatë takimit, Blinken dhe Netanyahu diskutuan gjithashtu situatën në Liban dhe përpjekjet për të arritur një zgjidhje diplomatike përgjatë Linjës Blu, duke u angazhuar për zbatimin e plotë të Rezolutës 1701 të Këshillit të Sigurimit të OKB-së, e cila do t'u mundësonte qytetarëve në të dy anët e kufirit të kthehen në shtëpitë e tyre.

Deklarata përfundimtare thekson se ata diskutuan gjithashtu nevojën për të parandaluar agresionin e mëtejshëm rajonal nga Irani dhe përfaqësuesit e tij, duke ribërë të qartë angazhimin e palëkundur të Shteteve të Bashkuara për sigurinë e Izraelit.

Të fundit