Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Blinken: Putin mund të sulmojë Ukrainën javën e ardhshme

Politiko 16 Shkurt 2022, 16:53

Blinken: Putin mund të sulmojë Ukrainën javën e ardhshme

Shtetet e Bashkuara vazhdojnë të paralajmërojnë se Rusia mund të pushtojë Ukrainën "çdo ditë" në mes të tensioneve të përshkallëzuara.

Më shumë se 150,000 trupa ruse vlerësohet të grumbullohen pranë kufijve të Ukrainës, tha presidenti Joe Biden të martën, ndërsa zyrtarët amerikanë u kanë kërkuar të gjithë amerikanëve që të largohen menjëherë nga Ukraina.

Biden tha se SHBA "ende nuk i ka verifikuar" pretendimet e presidentit rus Vladimir Putin dhe Kremlinit se Rusia po tërhiqte disa trupa nga afër kufijve të Ukrainës.

ABC News ka mësuar se Putin u kishte thënë forcave të tij ushtarake që të ishin gati për të pushtuar deri të mërkurën, por mbetet e paqartë nëse ai ka marrë një vendim për të sulmuar fqinjin e tij. Ndërkohë, presidenti ukrainas Volodymyr Zelenskyy ka bërë thirrje për një ditë kombëtare uniteti të mërkurën.

Rusia ka mohuar se planifikon të pushtojë dhe ka kërkuar që SHBA dhe NATO të ndalojnë Ukrainën që të bashkohet me aleancën ushtarake.

Po ashtu, sekretari amerikan i Shtetit Antony Blinken tha sot se Shtetet e Bashkuara nuk po shohin prova se Rusia po i tërheq trupat e saj nga kufiri me Ukrainën. Blinken përsëriti se SHBA-ja beson se Rusia mund të pushtojë Ukrainën në çdo moment, përfshirë këtë javë.

“Ne thamë se ishim në një dritare kohore në të cilën pushtimi mund të vinte në çdo kohë. Presidenti Putin ka krijuar kapacitetin për të vepruar në një njoftim shumë të shkurtër. Ai mund ta tërheq këmbëzën. Ai mund ta tërheq sot. Ai mund ta tërheq nesër. Ai mund ta tërheq javën e ardhshme. Forcat janë atje nëse ai dëshiron ta rinovojë agresionin kundër Ukrainës”, tha Blinken.



Të fundit