Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Brukseli propozon pezullimin e të gjitha tarifave të importit të BE-së për mallrat ukrainase

Politiko 27 Prill 2022, 21:29

Brukseli propozon pezullimin e të gjitha tarifave të importit të

Komisioni Evropian propozoi të mërkurën pezullimin për një vit të të gjitha detyrimeve doganore për produktet ukrainase të importuara në BE, në mënyrë që të mbështesë ekonominë e vendit të sulmuar nga Rusia.

Ky propozim, i cili ende duhet të miratohet nga Parlamenti Evropian dhe 27 vendet anëtare, është "një gjest i paprecedentë i mbështetjes për një vend në luftë", tha ekzekutivi evropian në një deklaratë. Mbretëria e Bashkuar njoftoi të hënën eliminimin e detyrimeve doganore për produktet e importuara nga Ukraina.

Presidentja e Komisionit Evropian Ursula von der Leyen tha se ajo i nisi masat pas diskutimeve me presidentin ukrainas Volodymyr Zelensky. "Ne të dy biem dakord për rëndësinë thelbësore të një pezullimi të tarifave për të mbështetur ekonominë e Ukrainës," tha ajo.

Tregtia dypalëshe midis BE-së dhe Ukrainës llogaritet në 52 miliardë euro vitin e kaluar, sipas ekzekutivit të BE-së, një shifër që është dyfishuar që nga viti 2016.

Megjithatë, që nga fundi i shkurtit dhe shpërthimi i luftës nga Rusia, prodhimi bujqësor dhe industrial i Ukrainës është prekur rëndë, si dhe marrëdhëniet e saj tregtare me pjesën tjetër të botës, duke përfshirë daljen e vendit në det.

Produkti i brendshëm bruto (PBB) i Ukrainës pritet të bjerë me 35% këtë vit, sipas një parashikimi të Fondit Monetar Ndërkombëtar (FMN) të publikuar më 19 prill.

Të fundit