Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Djali i zëdhënësit të Kremlinit refuzon të bashkohet me ushtrinë ruse, si u provokua nga aktivistët e opozitës

Politiko 23 Shtator 2022, 14:42

Djali i zëdhënësit të Kremlinit refuzon të bashkohet me

Djali i zëdhënësit të Kremlinit Dmitry Peskov refuzoi të bashkohej me ushtrinë ruse, pasi u provokua nga aktivistët e opozitës përmes një telefonate.

Dmitry Peskov u tha gazetarëve se ishte në dijeni të asaj që kishte ndodhur, por tha se transkripti i plotë i telefonatës nuk ishte publikuar.

Telefonata u krye drejtpërdrejt nga Dmitri Nizovtsev, drejtuesi i kanalit "Politika e Popullit" në YouTube, i krijuar nga mbështetësit e figurës së opozitës ruse të burgosur, Alexei Navalny.

Në videon virale, Nizovtsev telefonoi Nikolai Peskov, duke u paraqitur si një rekrutues i ushtrisë i ngarkuar për të thirrur rezervistët për të luftuar në Ukrainë.

"Sot ju është dërguar një thirrje për ekzaminim mjekësor," i tha Nizovtsev me një zë të vendosur Nikolai Peskov.

Por 32-vjeçari la të kuptohej se do të refuzonte të regjistrohej, duke thënë “sigurisht që nuk do të vij nesër në orën 10:00”.

Më tej djali i zëdhënësit të Kremlinit shtoi: “Duhet ta kuptoni, nëse e dini se unë jam zoti Peskov, sa e gabuar është që unë të jem atje. Do të merrem me të në një nivel tjetër. Nuk e kam problem të mbroj atdheun tim – por më duhet të kuptoj përshtatshmërinë e paraqitjes sime atje, e kam fjalën për disa nuanca politike”.

Moska ka thënë se "mobilizimi i pjesshëm" do të përfshijë vetëm 300,000 rezervistë që kanë "përvojë ushtarake", por disa qytetarë po ikin nga vendi pas fjalimit të Putinit.

Burimi: Euronews

Të fundit