Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Dyshohet për sulme me substanca kimike, Zelensky: Rusët lanë mina të pashpërthyera në veri, ky është krim lufte

Politiko 12 Prill 2022, 08:24

Dyshohet për sulme me substanca kimike, Zelensky: Rusët lanë mina

Prokurorja e Përgjithshme e Ukrainës tha se zyra e saj po heton më shumë se 5800 raste të krimeve të luftës nga pushtimi i Rusisë dhe çdo ditë ata po fillojnë "gjithnjë e më shumë procedura të tilla".

Ndërkohë, presidenti Volodymyr Zelensky tha se trupat ruse që tërhiqeshin nga pjesë të Ukrainës veriore kishin lënë qëllimisht mijëra mina pas, duke e konsideruar si një "krim lufte".

Në ato zona, "dhjetëra, nëse jo qindra mijëra" municione të pashpërthyera ishin lënë pas, tha ai, duke shtuar se ekipet po punojnë për të pastruar këto "sende të rrezikshme".

"Pushtuesit lanë mina kudo", duke përfshirë në shtëpi, në rrugë dhe në fusha, shtoi Zelensky.

Ai i quajti këto veprime "krime lufte" që synojnë "të vrasin ose gjymtojnë sa më shumë nga njerëzit tanë", duke shtuar se trupat nuk do ta kishin bërë këtë pa urdhra të qartë nga udhëheqja ruse.

Pasi trupat ruse u tërhoqën nga zonat përreth kryeqytetit për të përqendruar në Ukrainën lindore dhe jugore, banorët që kthehen ose që po dalin nga vendet ku ishin fshehur po përballen me pasojat shkatërruese të pushtimit.

Gjenerali Valery Zaluzhny, komandanti i Forcave të Armatosura të Ukrainës, tha se "mbrojtja e Mariupolit vazhdon" mes luftimeve të ashpra brenda qytetit të rrethuar. Kreu i Republikës Popullore të Donetskut deklaroi se porti i qytetit kishte rënë në duart e forcave ruse, raportuan agjencitë shtetërore ruse të lajmeve, të cilat nuk mund të verifikoheshin menjëherë.

Pasi u shfaqën raportet për një sulm të mundshëm që përfshin substanca kimike në Mariupol, Zelensky paralajmëroi se mundësia duhet të merret seriozisht, megjithëse një zyrtar i Mariupol tha se çdo sulm i tillë mbeti i pakonfirmuar.

Shtete si Britania e Madhe thanë se po punojnë për të verifikuar detajet. Një total prej 4,354 njerëz u evakuuan nga zonat ku luftimet vazhdojnë, sipas zëvendëskryeministrja ukrainase Iryna Vereshchuk, duke përfshirë më shumë se 500 nga Mariupol.

Zyrtarët ukrainas kanë kritikuar vazhdimisht forcat ruse se shpesh nuk lejojnë kalimin e sigurt të qytetarëve nga zonat e luftimit.

Burimi: CNN

Të fundit