Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Euro barazohet me dollarin për herë të parë në 20 vitet e fundit

Politiko 12 Korrik 2022, 13:17

Euro barazohet me dollarin për herë të parë në 20 vitet

Euro dhe dollari janë barazuar për herë të parë në 20 vjet, duke sinjalizuar se ekonomia evropiane po shkon drejt një recesioni të thellë si rezultat i pushtimit rus të Ukrainës.

Sot, 1 euro është e barabartë me 1 USD. Ndryshimi do të thotë që kompanitë dhe konsumatorët evropianë do të paguajnë më shumë për mallrat dhe shërbimet që importojnë, ndërsa eksportet evropiane bëhen menjëherë më të lira në tregjet ndërkombëtare.

Euro ka përjetuar një humbje dramatike të vlerës që nga fillimi i shkurtit, kur ishte mbi 1.13 dollarë.

Rënia u përshpejtua javët e fundit pasi u përhap frika se Rusia, ofruesi kryesor i energjisë i BE-së, do të ndërpresë plotësisht rrjedhat e gazit në shenjë hakmarrjeje për sanksionet perëndimore.

Deri më tani, 12 vende të BE-së kanë pësuar një reduktim total ose të pjesshëm të gazit rus.

Të gjithë sytë do të jenë te euro për të parë nëse ajo përfundon duke rënë nën dollarin amerikan. Hera e fundit që ndodhi kjo ishte në nëntor 2002, kur euro vlente 0,99 dollarë.

Që atëherë, euro gëzoi një rritje të qëndrueshme, duke arritur pothuajse 1.60 dollarë në verën e vitit 2008, kur recesioni i madh po bënte kërdinë financiare në të gjithë SHBA.

Goditja e papritur ka shkaktuar një inflacion rekord në të gjithë eurozonën, me një shifër prej 8.6% në qershor, së bashku me një ngadalësim gradual të aktivitetit ekonomik.

Burimi: Euronews

Të fundit