Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

“Fitore e madhe për shtetin”/ Arrestohet pas 30 vitesh në arrati bosi i Cosa Nostra-s, kush është Messina Denaro

Politiko 16 Janar 2023, 11:34

“Fitore e madhe për shtetin”/ Arrestohet pas 30 vitesh në

Bosi më i kërkuar i mafias në Itali, Matteo Messina Denaro është arrestuar në Siçili pas 30 vitesh në arrati. Messina Denaro thuhet se u ndalua në një klinikë private në Palermo. Ai dyshohet se është një bos i mafies famëkeqe Cosa Nostra.

Mediat italiane raportuan se ai kishte marrë trajtim para se të kapej nga policia. Mbi 100 pjesëtarë të forcave të armatosura thuhet se janë përfshirë në arrestimin e tij.

Shumë njerëz u mbldohën në rrugë dhe duartrokitën policinë për punën e bërë. Messina Denaro u gjykua dhe u dënua me burgim të përjetshëm në mungesë në 2002-shin për vrasje të shumta.

Këtu përfshihen vrasjet e prokurorëve, Giovanni Falcone dhe Paolo Borsellino, sulmet me bomba vdekjeprurëse të vitit 1993 në Milano, Firence dhe Romë, dhe rrëmbimin, torturimin dhe vrasjen e djalit 11-vjeçar të një mafioz të kthyer në të penduar të drejtësisë.

Bosi i mafias mbikëqyri gjithashtu shantazhin, pastrimin e parave dhe trafikun e drogës për sindikatat e fuqishme të krimit të organizuar Cosa Nostra. Ai thuhet se ishte i mbrojturi i Totò Riina, kreut të klanit Corleone, i cili u arrestua në vitin 1993 pas 23 vitesh në arrati.

Megjithëse Messina Denaro kishte qenë i arratisur që nga viti 1993, mendohej se ai ende u jepte urdhra vartësve të tij nga vende të ndryshme sekrete.

Gjatë dekadave, hetuesit italianë u afruan shpesh për të kapur Messina Denaron duke monitoruar njerëzit më të afërt me të. Kjo rezultoi në arrestimin e motrës së tij Patrizia dhe disa bashkëpunëtorëve të tjerë të tij në vitin 2013. Policia sekuestroi gjithashtu biznese të vlefshme të lidhura me Messina Denaro, duke e lënë atë gjithnjë e më të izoluar.

Kryeministrja e Italisë Giorgia Meloni falënderoi policinë për punën e tyre në arrestimin e “pjesëtarit më të rëndësishëm të grupit kriminal mafioz”, duke shtuar: “Kjo është një fitore e madhe për shtetin”.

Burimi: BBC

Të fundit