Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

G20-ta përgatit rezolutën që dënon pushtimin rus

Politiko 15 Nëntor 2022, 10:15

G20-ta përgatit rezolutën që dënon pushtimin rus

Udhëheqësit e vendeve të grupit të 20-ës po shqyrtojnë një projekt-rezolutë, në të cilën shumica e anëtarëve dënojnë fuqishëm luftën në Ukrainë dhe theksojnë se ajo po përkeqëson brishtësinë në ekonominë globale, thanë diplomatët.

“Kishte pikëpamje të tjera dhe vlerësime të ndryshme për situatën dhe sanksionet”, thuhej në draft-deklaratën prej 16 faqesh, një kopje e së cilës u pa nga Reuters.

Ai nuk është ende miratuar nga udhëheqësit dhe ka të ngjarë të kundërshtohet nga Rusia.

“Duke pranuar se G20 nuk është forumi për të zgjidhur çështjet e sigurisë, ne pranojmë se çështjet e sigurisë mund të kenë pasoja të rëndësishme për ekonominë globale”, thuhej në draft.

Mbledhjet e ministrave të G20-ës në të kaluarën nuk kanë arritur të prodhojnë deklarata të përbashkëta për shkak të mosmarrëveshjeve midis Rusisë dhe anëtarëve të tjerë mbi gjuhën, duke përfshirë atë se si të përshkruhet lufta në Ukrainë.

Samiti, që po mbahet në ishullin indonezian të Balit, shënon herën e parë që liderët e G20 takohen që nga pushtimi rus i Ukrainës në shkurt, të cilin Rusia e ka përshkruar si një "operacion special ushtarak".

Lufta dhe shqetësimet për inflacionin global, sigurinë ushqimore dhe energjitike e kanë lënë në hije takimin.

Më herët, presidenti ukrainas Volodymyr Zelenskiy i tha samitit në një fjalim virtual se tani ishte koha për të ndaluar luftën e Rusisë në vendin e tij sipas një plani që ai ka propozuar "drejtësisht dhe në bazë të Kartës së OKB-së dhe ligjit ndërkombëtar".

G20, i cili përfshin vende që variojnë nga Shtetet e Bashkuara, Rusia dhe Brazili deri te India, Arabia Saudite dhe Gjermania, përbën më shumë se 80% të prodhimit të brendshëm bruto të botës, 75% të tregtisë ndërkombëtare dhe 60% të popullsisë së saj.

 

Të fundit