Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Gjermania i kundërpërgjigjet Rusisë, pezullon gazjellësin Nord Stream 2

Politiko 22 Shkurt 2022, 13:26

Gjermania i kundërpërgjigjet Rusisë, pezullon gazjellësin

Gjermania ka ndërmarrë hapa për të ndalur procesin e certifikimit të gazsjellësit Nord Stream 2 nga Rusia. Lajmin e ka bërë të ditur kancelari Olaf Scholz.

Sipas Associated Press, Scholz tha se qeveria e tij po merrte masën në përgjigje të veprimeve të Moskës në Ukrainë. Vendimi është një lëvizje domethënëse për qeverinë gjermane, e cila kishte rezistuar prej kohësh për të hequr prizën nga projekti, pavarësisht presionit nga Shtetet e Bashkuara dhe disa vende evropiane për ta bërë këtë.

Uashingtoni ka argumentuar për vite me radhë se ndërtimi i një tjetër tubacioni që sjell gaz natyror nga Rusia në Gjermani, rrit varësinë e Evropës nga furnizimet ruse të energjisë.

Scholz tha se qeveria kishte vendosur të rivlerësonte certifikimin e tubacionit, i cili nuk ka filluar të funksionojë ende, në dritën e zhvillimeve të fundit. "Kjo sigurisht që do të marrë kohë, nëse mund të them kështu," tha ai.

Vendimi i Gjermanisë vjen në një kohë kur Rusia dhe Ukraina janë në rritje të tensioneve mes tyre. Presidenti rus Vladimir Putin vendosi dje të njohë dy rajonet e Ukrainës Lindore, Donetskun dhe Luhanskun, si të pavarura.

Të dyja rajonet janë kontrolluar dhe kontrollohen nga rebelët rusë në Ukrainë.

Të fundit