Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Tërmeti godet Filipinet, të paktën 31 të vdekur

Politiko 1 Tetor 2025, 07:54

Tërmeti godet Filipinet, të paktën 31 të vdekur

Të paktën 31 persona kanë humbur jetën nga një tërmet i fuqishëm me magnitudë 6.9 ballë që tronditi Filipinet qendrore, duke ndërprerë linjat e energjisë elektrike dhe duke i detyruar njerëzit të dilnin me vrap në rrugë.

Epiqendra ishte rreth 12 milje në verilindje të Bogos, një qytet bregdetar me rreth 90,000 banorë në provincën Cebu. Të paktën 14 banorë kanë vdekur, sipas autoriteteve.
Tërmeti u shkaktua nga lëvizja në një çarje lokale në një thellësi prej tre miljesh, thanë zyrtarët.

Numri i të vdekurve pritet të rritet ndërsa operacionet e kërkim-shpëtimit janë duke u zhvilluar, thanë zyrtarët.

Në qytetin Medellin, pranë Bogos, të paktën 12 banorë vdiqën kur tavanet dhe muret e shtëpive të tyre u shembën, me disa që flinin në atë kohë, tha Gemma Villamor, drejtuese e zyrës lokale të fatkeqësive.

Në San Remigio aty pranë, pesë persona - përfshirë tre anëtarë të rojes bregdetare, një zjarrfikës dhe një fëmijë - u vranë nga shembja e mureve ndërsa po iknin nga një ndeshje basketbolli, tha nënkryetari i bashkisë Alfie Reynes, i cili zbuloi gjithashtu se tërmeti dëmtoi sistemin e ujit të qytetit.

Bizneset dhe ndërtesat historike kanë pësuar dëme, përfshirë një kishë të vjetër katolike në qytetin Daanbantayan, dhe rrugët treguan çarje të thella.

Guvernatorja e Cebu-s, Pamela Baricuatro, paralajmëroi se shkalla e plotë e dëmeve dhe lëndimeve në Bogo dhe qytetet përreth do të qartësohej gjatë ditës, duke paralajmëruar se situata mund të perkeqesohet. 

Të fundit