Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Italia pritet të vendosë kufizime për njerëzit e pavaksinuar

Politiko 19 Korrik 2021, 17:35

Italia pritet të vendosë kufizime për njerëzit e pavaksinuar

Qeveria italiane pritet të vendosë kufizime për njerëzit e pavaksinuar ndërsa përpiqet të ndalojë një rigjallërim të infeksioneve Covid-19.

Sipas The Guardian, në një lëvizje të ngjashme me atë të parë në Francë, ata që nuk janë vaksinuar plotësisht mund të ndalohet t'iu shërbehet brenda në restorante dhe bare dhe të hyjnë në stadiume, muze, teatro, kinema, pishina dhe palestra.

Qeveria shpreson që detyrimi për të paraqitur gjithashtu një "leje të gjelbër" kur udhëton brenda vendit me tren ose aeroplan do të stimulojë më shumë njerëz për t'u vaksinuar.

Dekreti pritet të miratohet këtë javë dhe mund të hyjë në fuqi nga 26 korrik.

Vdekjet dhe shtrimet në spital si pasojë e Covid-19, kanë rënë ndjeshëm që kur Italia përshpejtoi programin e vaksinimit. Por infeksionet, kryesisht të nxitura nga varianti Delta, janë rritur gjatë javës së kaluar, me 3,127 raste të reja të raportuara të dielën. Tre vdekje nga Covid-19 u regjistruan të dielën, duke e çuar totalin në 127,867 . Italia mban numrin e dytë më të lartë të infektimeve në Evropë pas Mbretërisë së Bashkuar. Janë 156 pacientë me koronavirus në kujdes intensiv në të gjithë Italinë.

Që nga e hëna, 50% e njerëzve mbi moshën 12 vjeç ishin vaksinuar plotësisht. Sidoqoftë, javët e fundit ka pasur një ngadalësim të rezervimeve pasi të rinjtë vonojnë marrjen e dozës së parë në mënyrë që të mos prishin pushimet e tyre verore.

 

Të fundit