Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Kina ndalon hyrjen e ekipit të OBSH në vend për të hetuar origjinën e Covid-19

Politiko 6 Janar 2021, 08:42

Kina ndalon hyrjen e ekipit të OBSH në vend për të hetuar

Një ekip i Organizatës Botërore të Shëndetësisë (OBSH) për të hetuar origjinën e Covid-19 në qytetin e Wuhan i është mohuar hyrja në Kinë.

 Dy anëtarë ishin nisur tashmë në udhëtimin e tyre, njëri tani është kthyer dhe tjetri është në tranzit në një vend të tretë.

OBSH tha se problemi ishte mungesa e lejeve të vizave. Hetimi i shumëpritur u dakordua nga Pekini në dhjetor pas shumë muajsh negociatash me OBSH, shkruan BBC.

Virusi u zbulua për herë të parë në Wuhan në fund të vitit 2019, me shpërthimin fillestar të lidhur me një treg.

Shefi i OBSH-së Tedros Adhanom Ghebreyesus tha se ishte "shumë i zhgënjyer" që Kina nuk kishte përfunduar ende lejet për ardhjet e ekipit "duke qenë se dy anëtarë kishin filluar udhëtimet e tyre dhe të tjerët nuk ishin në gjendje të udhëtonin në minutën e fundit".

"Jam siguruar që Kina po shpejton procedurën e brendshme për vendosjen sa më të hershme të mundshme," u tha ai gazetarëve të martën në Gjenevë, duke shpjeguar se ai kishte qenë në kontakt me zyrtarë të lartë kinezë për të theksuar "se misioni është një përparësi për OBSH dhe ekipin ndërkombëtar ".

OBSH ka punuar për të dërguar një ekip prej 10 personash ekspertësh ndërkombëtarë në Kinë për muaj me qëllim që të hetojë origjinën shtazore të pandemisë dhe saktësisht se si virusi kaloi për herë të parë tek njerëzit. Muajin e kaluar u njoftua se hetimi do të fillonte në janar 2021.

Të dy anëtarët e ekipit ndërkombëtar që ishin nisur tashmë për në Kinë ishin nisur herët të Martën, tha OBSH. Sipas agjencisë së lajmeve Reuters, shefi i urgjencave të OBSH-së Mike Ryan tha se një ishte kthyer mbrapa dhe një ishte në një vend të tretë.

Të fundit