Flash News

Shoqërohet organizatori i protestës, Arben Kola, tërhiqet zvarrë nga policia

Domate, vezë dhe speca, “arsenali” i protestuesve për deputetët para Kuvendit

Protesta e doganierëve grekë bllokon Kapshticën, pezullohet lëvizja për 4 orë

Reshje, shtrëngata dhe breshër, përkeqësohet moti sot në disa zona të vendit

PaBesia me Zvërnecin/ Zbulohen propozimet e Ramës për anullimin ose jo të projektit

Bota

Kryeministri i Sllovakisë kërkon dorëheqjen e Kaja Kallas nga posti i BE-së

Politiko 11 January 2026, 18:07

Kryeministri i Sllovakisë kërkon dorëheqjen e Kaja Kallas nga

Kryeministri i Sllovakisë, Robert Fico, ka deklaruar se Kaja Kallas duhet të japë dorëheqjen nga posti i Përfaqësueses së Lartë të Bashkimit Evropian për Punët e Jashtme, duke vlerësuar se drejtimi i saj po dëmton aftësinë e BE-së për të përballuar sfidat aktuale.

Në një intervistë, Fico u shpreh se “BE-ja ka nevojë për një ndryshim lidershipi”, pasi sipas tij, qëndrimet dhe veprimet e Kallas kanë penguar krijimin e një pozicioni të qartë dhe koherent të unionit në çështjet ndërkombëtare.

“Bashkimi Evropian po përballet me një krizë të paparë. Vetëm shtetet që janë të qëndrueshme ekonomikisht, ushtarakisht dhe në sektorin e energjisë do të mbijetojnë”, deklaroi kryeministri sllovak.

Ai shtoi se rendi global i krijuar pas Luftës së Dytë Botërore është ndryshuar ndjeshëm, veçanërisht pas ndërhyrjes ushtarake amerikane në Venezuelë, dhe se BE-ja ende nuk ka dhënë një përgjigje të qartë ndaj këtyre zhvillimeve.

Megjithatë, Fico theksoi se Bashkimi Evropian mbetet “hapësira jetësore” e Sllovakisë dhe se vendi i tij vazhdon të jetë i përkushtuar ndaj projektit evropian.

Ai njoftoi gjithashtu se gjatë një vizite të ardhshme në Shtetet e Bashkuara do të diskutojë bashkëpunimin sllovako-amerikan me presidentin Donald Trump, me fokus të veçantë çështjet që lidhen me BE-në.

Të fundit