Kush mund ta pasojë Liz Truss si kryeministre e Mbretërisë së Bashkuar?

Britania do të ketë një kryeministër të ri brenda një jave, tha udhëheqësja në largim Liz Truss në fjalimin e saj të dorëheqjes. Procesi i shpejtë është në kontrast të plotë me garën që solli në pushtet Truss-in.

Këtë herë, me konservatorët në fund të sondazheve të opinionit dhe tregjet të shqetësuara pas një jave drame mbi axhendën e dështuar të politikës ekonomike të Truss, partia dëshiron një lider të ri sa më shpejt të jetë e mundur.

Graham Brady, zyrtari konservator përgjegjës për procesin, njoftoi se kandidatët për të zëvendësuar Truss do të kenë nevojë të marrin të paktën 100 nominime nga deputetët e partisë.

Nëse vetëm një kandidat e plotëson atë prag, ai automatikisht do të bëhet lider. Ndryshe, votimi online i anëtarëve të partisë do të mbyllet të premten më 28 tetor.

Fituesi i konkursit do të jetë kryeministri i pestë konservator në pak më shumë se gjashtë vjet dhe i treti brenda këtij mandati parlamentar. Por kush mund të jetë lideri i ardhshëm? Këtu janë disa nga kandidatët kryesorë:

Rishi Sunak

Ish-ministri i financave paralajmëroi se shkurtimet e taksave të pafinancuara të Truss do të çonin në një rritje të stërlinës, një panik në tregun e bonove dhe shqetësim nga Fondi Monetar Ndërkombëtar. Ndoshta edhe ai do të ishte befasuar nga ritmi me të cilin u vërtetua se kishte të drejtë.

Sunak ka përvojë në luftimin e krizës ekonomike, duke e udhëhequr Mbretërinë e Bashkuar në shpërthimin e pandemisë. Besimi që ai ka mes deputetëve dhe vërtetësia e parashikimeve të tij, mund ta bëjë Sunak kryeministrin e ardhshëm.

Penny Mordaunt

Mordaunt doli i treti në zgjedhjet e fundit të lidershipit. Me 105 vota nga deputetët në zgjedhjet e fundit, edhe ajo mund rë herë liderja e re. Por Mordaunt nuk është eksperte financash.

Ajo vjen nga një karrierë ushtarake dhe ka shërbyer për një periudhë të shkurtër si Sekretare e Shtetit për Mbrojtjen. Ashtu si Sunak, ajo është nga krahu më i moderuar i partisë.

Kemi Badenoch

Badenoch doli e katërta në zgjedhjet e lidershipit të kësaj vere, duke siguruar vetëm 59 vota nga deputetët, por u vlerësua vazhdimisht nga anketuesit si e preferuara nga baza e konservatorëve.

Ajo është vlerësuar si "talentin e jashtëzakonshëm" në parti. Badenoch është nga e djathta e partisë konservatore dhe në programin e saj të mëparshëm kishte si synim klimën, por kjo mund të rezultojnë shumë të kushtueshme.

Boris Johnson

Aleatët e shumtë kanë argumentuar se Johnson mund të ishte një kandidat i unitetit që mund të sillte stabilitet në vend, pavarësisht faktit se ai dha dorëheqjen vetëm disa muaj më parë pas një sërë skandalesh, duke e bërë pozicionin e tij të paqëndrueshëm.

Kur u pyetën nga CNN se si mund ta justifikonin Johnson që të ishte sërish kryeministër, një deputet që bëri fushatë për Johnson në 2019, tha: “Socialistët do të shkatërrojnë ekonominë tonë dhe nëse nuk e kuptoni këtë, atëherë kam vërtet frikë për të ardhmen tonë.”

Një tjetër deputet që mbështeti Johnson në 2019 tha se ai ishte i vetmi kandidat që mund të fitonte lehtësisht si deputetët konservatorë ashtu edhe anëtarët e Partisë Konservatore.

Aleatët më të afërt të Johnson thanë se ishin të vetëdijshëm se ai ishte duke u lobuar në mënyrë aktive në orët pas fjalimit të dorëheqjes së Truss, duke i thënë atij se ai përfaqësonte kandidaturën më të mirë të partisë për stabilitetin në afat të mesëm.

Disa dyshojnë se pragu i ri prej 100 votash është një përpjekje e Partisë Konservatore për ta bërë të pamundur një mandat tjetër të Johnson.

Grant Shapps

Shapps shërbeu si ministër transporti nën qeverisjen e Boris Johnson. Ai u tërhoq vetëm disa ditë para në zgjedhjet që u mbajtën në verë, të cilat i fitoi Truss.

Pragu i ri ka të ngjarë të jetë shumë i lartë për Shapps, por kritikat ndaj qeverisë së Truss mund të rrisë mbështetjen e deputetëve ndaj tij.

Emra të tjerë në tryezë

Dorëheqja e Suella Braverman si sekretare e brendshme të mërkurën mbrëma mund të ketë qenë një paralajmërim se mund të kandidojë për kryeministre. Ajo nuk ka marrë pjesë më parë në garë.

Tom Tugendhat u shfaq si një favorit surprizë midis anëtarëve të Tory-t dhe publikut të gjerë, pavarësisht se ishte vetëm i pesti në zgjedhjet e fundit të lidershipit.

Ben Wallace, sekretar i mbrojtjes dhe një tjetër ish-ushtarak, u supozua se do të pasonte Johnson në garën e fundit të lidershipit, duke u bërë jashtëzakonisht mirë mes anëtarëve konservatorë. Megjithatë, ai kurrë nuk kandidoi në ato zgjedhje dhe është e paqartë nëse pozicioni i tij do të ketë ndryshuar që atëherë.

Ish-kryeministrja Theresa May është paraqitur gjithashtu si një kandidate e mundshme e "unitetit" për të pasuar Truss. May u përpoq të bashkonte krahët ndërluftues të partisë Konservatore për Brexit, në lëvizje që përfundimisht e pa atë të zëvendësohej nga Boris Johnson.

Burimi: CNN