Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Macron dhe von der Leyen bëjnë thirrje për t'i dhënë fund dhunës në Kazakistan

Politiko 7 Janar 2022, 14:27

Macron dhe von der Leyen bëjnë thirrje për t'i

Presidenti francez Emanuel Macro dhe kryetarja e Komisionit Evropian Ursula von der Leyen thanë se ishin të shqetësuar për përplasjet vdekjeprurëse në Kazakistan gjatë një konference të përbashkët shtypi në Paris ditën e sotme, duke bërë thirrje për përmbajtje dhe depërshkallëzim të situatës.

"Të drejtat dhe siguria e qytetarëve janë themelore dhe duhet të garantohen. Unë bëj thirrje për t'i dhënë fund dhunës dhe për përmbajtje. BE-ja është e gatshme të ndihmojë ku të mundet", u tha Ursula von der Leyen gazetarëve së bashku me Emmanuel Macron të Francës, i cili tha se mbështet plotësisht komentet e saj.

Presidenti francez tha se do të vazhdojë të monitorojë zhvillimet në ish-vendin sovjetik, ku presidenti Kassym-Jomart Tokayev tha të premten se ai u kishte dhënë urdhër forcave të sigurisë për të qëlluar mbi njerëzit.

Kryengritja e Kazakistanit filloi si protesta në rajonet perëndimore të pasura me naftë kundër heqjes së kufirit shtetëror të çmimit të butanit dhe propanit, por protestat më pas u intensifikuan dhe u përhapën.

Konferenca për shtyp e Macron dhe von der Leyen në Pallatin Elysée shënoi fillimin e presidencës gjashtëmujore franceze të BE-së.

Udhëheqësi francez ka shpallur një axhendë ambicioze për bllokun 27-anëtarësh, duke theksuar se viti 2022 “duhet të jetë një pikë kthese për Evropën”.

Analistët thonë se presidenca e rradhës e BE-së mund t'i shërbejë fushatës së tij të brendshme për një mandat të dytë në detyrë, me më pak se 100 ditë para zgjedhjeve presidenciale të Francës.

Të fundit