Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Merkel prezanton masat e ashpra për bllokimin e dytë të vendit, britma e ulërima në Bundestagun gjerman

Politiko 29 Tetor 2020, 12:33

Merkel prezanton masat e ashpra për bllokimin e dytë të vendit,

Kancelarja Angela Merkel

Kancelarja Angela Merkel u përball me britma dhe një mori pyetjesh nga Bundestagu gjerman mëngjesin e kësaj të enjteje, teksa publikoi planet e qeverisë së saj për një bllokim të dytë "të butë”, raporton ‘the Guardian’.

Nga e hëna, baret, restorantet, teatrot, pishinat dhe studiot e fitnesit do të mbyllen për një muaj, dhe tubimet publike do të kufizohen në dy familje ose deri në dhjetë persona. Udhëtimet e panevojshme është mirë që të shmangen dhe hotelet këshillohen të mos presin turistë. Ndërkaq, shkollat, çerdhet dhe dyqanet do të qëndrojnë të hapura.

Merkel tha se Gjermania është në një "situatë dramatike, ndërsa jemi duke hyrë në stinën e ftohtë. Me numrin e pacientëve me Covid-19 në kujdes intensiv të dyfishuar në dhjetë ditët e fundit, spitalet do të mbingarkohen brenda disa javësh nëse nuk ndërmerren hapa të tjerë për të frenuar përhapjen e virusit”.

Por bllokimi i “butë” i vendit, i sugjeruar nga Merkel është hasur me thirrje dëshpërimi sidomos nga sektorët e gastronomisë. Pavarësisht garancive për subvencione të mëtejshme shtetërore, restorantet, baret dhe hotelet do të goditen rëndë nga mbylljet e reja.

E djathta ekstreme AfD dhe FDP kryesuan kundërshtitë për masat e reja në Bundestag.

“Ne e konsiderojmë paralizimin e sektorit të kulturës dhe gastronomisë, praktikisht të gjithë jetën e lirë të qytetarëve tanë, si të tepërt dhe të papërshtatshme”, tha bashkë-drejtuesi i AfD Alexander Gauland, megjithëse as ai as udhëheqësi i FDP, Christian Lindner, nuk dhanë ndonjë plan konkret si alterantivë për mbylljen e shkollave.

Më tej, Kancelarja insistoi në marrjen e masave, duke shtuar se “populistët që pretendojnë se koronavirusi është i padëmshëm janë të rrezikshëm dhe të papërgjegjshëm”.

“Gënjeshtrat dhe dezinformimi, teoritë e konspiracionit dhe urrejtja dëmtojnë jo vetëm debatin demokratik, por edhe luftën kundër virusit,” tha ajo, duke shtuar se kjo e vë në rrezik jetën e njerëzve.

“Dimri do të jetë i vështirë. Katër muaj të gjatë, të vështirë. Por do të marrë fund ”, vijoi më tej Merkel.

Agjencia e kontrollit të sëmundjes së Gjermanisë të enjten regjistroi një rekord të ri me 16,774 infeksione të reja në 24 orët e fundit, megjithëse tani për tani shkalla e infeksionit në Gjermani është ende dukshëm më e ulët se në vendet fqinje si Franca ose Belgjika.