Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Migrimi i paligjshëm, Franca shkurton vizat për vendet e Magrebit

Politiko 29 Shtator 2021, 11:00

Migrimi i paligjshëm, Franca shkurton vizat për vendet e Magrebit

Franca po përballet me reagime të ashpra nga Afrika veriperëndimore për shkurtimin e numrit të vizave në dispozicion të vendeve të Magrebit (Maroku, Tunizia, Algjeria, Mauritania dhe Libia)

Zëdhënësi i qeverisë Gabriel Attal tha se vendimi u mor sepse qeveritë rajonale kishin refuzuar të merrnin përsëri emigrantët ilegalë.

Attal tha se dhënia e vizave do të forcohet për shtetasit e Marokut, Algjerisë dhe Tunizisë në javët e ardhshme, raportojnë mediat e huaja.

"Është një vendim drastik, një vendim i paparë, por është një vendim i bërë i nevojshëm nga fakti se këto vende nuk pranojnë të marrin shtetasit që ne nuk duam dhe nuk mund t'i mbajmë në Francë", tha ai.

Attal konfirmoi se do të kishte një rënie prej 50% të numrit të vizave të lëshuara për shtetasit marokenë dhe algjerianë dhe 33% për ata nga Tunizia.

Lëvizja është mirëpritur nga shumë politikanë të së djathtës në Francë, mes debatit të ri mbi emigracionin përpara zgjedhjeve të vitit 2022.

Por ministri i jashtëm maroken Nasser Bourita e ka quajtur vendimin "të pajustifikuar". Qeveria franceze kishte thënë se ata kishin dështuar të negocionin për çështjen e migrimit me vendet e Magrebit.

Njoftimi vjen mes tensioneve në rritje midis Francës dhe Afrikës veriperëndimore muajt e fundit.

Të fundit