Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Mike Pompeo anulon vizitën në Evropë

Politiko 13 Janar 2021, 08:47

Mike Pompeo anulon vizitën në Evropë

Sekretari i Shtetit, Mike Pompeo ka anuluar një udhëtim në Evropë në minutën e fundit. Pompeo do të fluturonte jashtë të martën, por mësohet se ministri i Jashtëm i Luksemburgut dhe disa zyrtarë të lartë të Bashkimit Evropian kanë refuzuar të takohen me të.

Diplomatët dhe njerëzit të afërt me çështjen konfirmuan lajmin. Sekretari duhej të takohej me homologun e tij në Luksemburg para se të udhëtonte për në Bruksel, shkruan The Independent.

Ky lajm nga Uashingtoni vjen vetëm disa ditë pas sulmimit të Kapitolit nga mijëra mbështetës të Donald Trump, një sulm i paparë ndaj demokracisë amerikane që trullosi shumë udhëheqës botërorë dhe aleatët e SHBA.

Pompeo, një aleat i ngushtë i presidentit, kishte kërkuar të takonte Jean Asselborn në Luksemburg, përpara se të takohej me udhëheqësit e BE dhe diplomatin e lartë të bllokut në Bruksel

Para se të anulohej, itinerari i fundit për udhëtimin e Brukselit nuk përfshinte asnjë takim me BE ose ngjarje publike në NATO. Një burim diplomatik tha se aleatët ishin "në siklet" nga Pompeo pas dhunës në Uashington të Mërkurën e kaluar.

Ministria e jashtme e Luksemburgut nuk pranoi të jepte ndonjë detaj tjetër përveç se tani nuk ishte momenti për një vizitë.

Asselborn, ministri i jashtëm u tmerrua nga skenat në Kapitol dhe i referohej presidentit të SHBA si një "kriminel" në RTL Radio një ditë pas sulmit në Kongres.

“Z. Trump është një kriminel, një piramanik politik i cili duhet të dërgohet në gjykatën penale. Ai është një person i cili u zgjodh në mënyrë demokratike, por që nuk është i interesuar për demokracinë as më të vogël ”, tha ai.

Në Bruksel, Pompeo duhej të kishte një darkë private me Sekretarin e Përgjithshëm të NATO-s Jens Stoltenberg dhe të takohej me ministren e Jashtme belge Sophie Wilmes.

Të fundit