Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

OBSH shpall linë e majmunit emergjencë globale

Politiko 23 Korrik 2022, 16:46

OBSH shpall linë e majmunit emergjencë globale

Organizata Botërore e Shëndetësisë ka ngritur alarmin lidhur me shpërthimin e lisë së majmunëve duke e shpallur virusin emergjencë të shëndetit publik.

Kjo do të thotë se OBSH-ja e sheh si një kërcënim mjaft të rëndësishëm për shëndetin global që nevojitet një përgjigje e koordinuar ndërkombëtare për të parandaluar përhapjen e mëtejshme të virusit dhe përshkallëzimin e mundshëm në një pandemi.

OBSH mund të lëshojë vetëm udhëzime dhe rekomandime për shtetet e saj anëtare. Vendeve anëtare u kërkohet të raportojnë ngjarje që përbëjnë një kërcënim për shëndetin global.

Agjencia e OKB-së nuk pranoi muajin e kaluar të shpallte një emergjencë globale në përgjigje të lisë së majmunëve. Por infeksionet janë rritur ndjeshëm gjatë disa javëve të fundit, duke e shtyrë kreun e OBSH-së Tedros Adhanom Ghebreyesus të lëshojë alarmin më të lartë.

Më shumë se 16,000 raste të lisë së majmunëve janë raportuar në 75 vende deri më tani këtë vit, dhe numri i infeksioneve të konfirmuara u rrit 77% nga fundi i qershorit deri në fillim të korrikut, sipas të dhënave të OBSH-së. Meshkujt që bëjnë seks me meshkuj janë aktualisht në rrezikun më të lartë të infeksionit.

Pesë vdekje nga virusi janë raportuar në Afrikë këtë vit. Deri më tani nuk është raportuar asnjë vdekje jashtë Afrikës.

Të fundit