Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

OBSH: Vaksinat në vendet e varfra mbaruan. Në Afrikë është vaksinuar më pak se 2% e popullësisë

Politiko 22 Qershor 2021, 09:34
OBSH: Vaksinat në vendet e varfra mbaruan. Në Afrikë
Foto ilustruese

Një numër i madh i vendeve të varfëra, të cilat i kanë siguruar vaksinat anti-Covid përmes një skeme globale të shpërndarjes, nuk kanë doza të mjaftueshme për të vazhduar programin e imunizimit, ka thënë Organizata Botërore e Shëndetësisë.

Këshilltari i lartë i OBSH-së, Dr. Bruce Aylëard tha se programi Covax kishte shpërndarë 90 milion doza në 131 vende. Ai shtoi se kjo sasi nuk mjafton për të mrojtur popullatat e këtyre vendeve nga Covid-19.

Mungesat vijnë në një kohë kur disa shtete në Afrikë po përballen me një valtë të tretë të infeksioneve. Presidenti i Afrikës së Jugut, Cyril Ramaphosa bëri dje thirrje për t'i dhënë fund grumbullimit të vaksinave nga vendet më të pasura, ndërsa qeveria e tij po përpiqej të frenonte një rritje të madhe të rasteve.

Në një nivel kontinental, vetëm 40 milion doza janë administruar deri më tani në Afrikë - më pak se 2% e popullsisë, tha Ramaphosa.Gjithashtu shtoi se qeveria e tij ishte duke punuar me Covax për të krijuar një qendër rajonale për të prodhuar më shumë vaksina në Afrikën e Jugut.

Covax u krijua vitin e kaluar për të siguruar që dozat kundër Covid-19 të viheshin në dispozicion në të gjithë botën. Të udhëhequr nga OBSH dhe organizata të tjera ndërkombëtare, Covax vendosi fillimisht një objektiv për të siguruar dy miliardë doza në të gjithë botën deri në fund të vitit 2021.

Shumica e tyre po dhurohen në vendet e varfëra, ku Covax shpreson të shpërndajë mjaftueshëm vaksina për të mbrojtur të paktën 20% të popullsisë.

Sidoqoftë, shpërndarja e këtyre vaksinave është penguar nga vonesat në prodhim dhe ndërprerjet e furnizimit, duke çuar në mungesa në vendet që varen plotësisht nga Covax.

Uganda, Zimbabve, Bangladeshi dhe Trinidad dhe Tobago janë vetëm disa nga vendet që kanë raportuar mbarimin e sasisë së vaksinave në ditët e fundit.

Burimi: BBC

Të fundit