Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Olaf Scholz merr drejtimin e Gjermanisë, partia e Merkel kalon pas 16 vitesh në opozitë

Politiko 8 Dhjetor 2021, 16:33

Olaf Scholz merr drejtimin e Gjermanisë, partia e Merkel kalon pas 16

Olaf Scholz u emërua kancelar i Gjermanisë dhe do të drejtojë një koalicion të qendrës së majtë.

Scholz mori mbështetjen e 395 politikanëve në Bundestag të mërkurën në mëngjes dhe do të zëvendësojë Angela Merkelin, e cila largohet pas 16 vitesh.

Votimi nuk ishte një surprizë. SPD e Scholz-it dhe partnerët e saj të koalicionit, Demokratët e Lirë dhe të Gjelbërit, kanë 416 vende në dhomën e ulët prej 736 të parlamentit gjerman.

Scholz tha të martën se qeveria e re -- e cila detyron Unionin Kristian Demokrat (CDU) të Merkelit në opozitë për herë të parë që nga viti 2005 -- "përballon sfidat kryesore të kësaj dekade dhe shumë më gjerë".

Nëse ka sukses, tha ai, "ky është një mandat për t'u rizgjedhur së bashku në zgjedhjet e ardhshme".

Scholz, 63 vjeç, ka qenë zëvendëskancelar dhe ministër i financave i Gjermanisë që nga viti 2018 dhe është një ish-kryetar bashkie i qytetit të Hamburgut.

Një ish-avokat që iu bashkua socialdemokratëve që në moshën 17-vjeçare, Scholz ishte pozicionuar si pasues i Merkelit për disa kohë.

“Ai u zgjodh sepse është shumë i ngjashëm me Angela Merkelin – dhe kjo ishte llogaritja e tij”, tha Lars Haider, kryeredaktor i Hamburger Abendblatt dhe biografi i Scholz, të martën për Euronews.

Scholz u vlerësua me fitoren e papritur të socialdemokratëve në zgjedhjet e 2021, me partinë që erdhi nga vendi i tretë në sondazhe për të siguruar një fitore të ngushtë ndaj CDU. Më pas ai mblodhi shpejt një koalicion me të Gjelbërit gjermanë dhe Demokratët e Lirë pro-biznesit.

 

Të fundit