All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

Bota

Omicron varianti i fundit? OBSH: Mos supozoni se pandemia e Covid-19 po arrin në ‘fundin e lojës’

Politiko 24 Janar 2022, 17:16
All - Paragraf - 1

Omicron varianti i fundit? OBSH: Mos supozoni se pandemia e Covid-19 po arrin

Kreu i Organizatës Botërore të Shëndetësisë (OBSH) paralajmëroi të hënën se ishte e rrezikshme të supozohej se varianti Omicron lajmëron fundin e fazës më akute të COVID-19, duke i nxitur kombet të qëndrojnë të fokusuar për të mposhtur pandeminë.

All - Paragraf - 3

“Është e rrezikshme të supozohet se Omicron do të jetë varianti i fundit dhe se ne jemi në ndeshjen e fundit”, tha Tedros Adhanom Ghebreyesus në një takim të bordit ekzekutiv të OBSH-së për pandeminë dyvjeçare që ka vrarë afro 6 milionë njerëz.

“Përkundrazi, globalisht kushtet janë ideale që të shfaqen më shumë variante”.

Megjithëse Omicron ka dërguar totalin e rasteve në afro 350 milionë, ndikimi i tij më pak vdekjeprurës dhe përhapja në rritje e vaksinave ka çuar në optimizëm në disa pjesë se më e keqja e pandemisë mund të ketë kaluar.

Tedros, kreu i parë afrikan i OBSH-së, i cili kandidon pa kundërshtarë për një mandat të dytë, kërkoi disiplinë dhe unitet në luftimin e koronavirusit, shkruan Reuters.

“Pandemia COVID-19 tani po hyn në vitin e tretë dhe ne jemi në një pikë kritike”, tha ai në një konferencë shtypi më herët. "Ne duhet të punojmë së bashku për t'i dhënë fund fazës akute të kësaj pandemie. Nuk mund ta lëmë atë të vazhdojë të zvarritet, duke u përshkuar mes panikut dhe neglizhencës", shtoi Tedros Adhanom Ghebreyesus.

Të fundit