Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

“Për të mirën tuaj”, Lavrov i jep ultimatum Ukrainës

Politiko 27 Dhjetor 2022, 09:02

“Për të mirën tuaj”, Lavrov i jep ultimatum

Ministri i Jashtëm rus Sergey Lavrov i ka dhënë Ukrainës një ultimatum: Të përmbushë kërkesat e Moskës, duke përfshirë dorëzimin e territorit ukrainas që tashmë është nën kontrollin e Rusisë, ose ushtria ruse do të vendosë për fatin e Ukrainës.

Duke folur një ditë pasi presidenti rus Vladimir Putin tha edhe një herë se ai ishte i hapur për bisedimet e paqes dhe që Shtetet e Bashkuara i kanë përshkruar si të pasinqerta, Lavrov i tha Kievit se ai duhet, për “të mirën e tij”, të përmbushë dëshirat e Moskës.

"Propozimet tona për çmilitarizimin dhe denazifikimin e territoreve të kontrolluara nga regjimi, eliminimin e kërcënimeve ndaj sigurisë së Rusisë që burojnë prej andej, duke përfshirë tokat tona të reja, janë të njohura për armikun. Çështja është e thjeshtë: përmbushini ato për të mirën tuaj. Përndryshe, çështja do të vendoset nga ushtria ruse”, tha Lavrov.

I pyetur nga TASS se sa do të zgjasë konflikti, Lavrov tha: “Topi është në fushën e regjimit dhe Uashingtoni pas tij”.

Të dielën, presidenti rus Vladimir Putin përsëri tha se Moska ishte e hapur për negociata dhe fajësoi Kievin dhe mbështetësit e tij perëndimorë për mungesën e bisedimeve, komente të cilat SHBA i ka hedhur poshtë si të pasinqerta.

Ndërsa lufta hyn në muajin e saj të 11-të dhe pavarësisht pengesave të shumta në fushën e betejës për Moskën, forcat ruse janë përfshirë në luftime të ashpra në lindje dhe jug të Ukrainës, ndërsa sulmet me raketa dhe dron të Rusisë kanë shkatërruar infrastrukturën civile të Ukrainës, duke lënë miliona pa energji, ngrohje dhe ujë.

Burimi: AL Jazzera 

Të fundit