Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e fundjavës/ Me 2 rreshta: Çfarë pati rëndësi në botë

Politiko 26 Prill 2022, 07:17
Posta e fundjavës/ Me 2 rreshta: Çfarë pati rëndësi

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Në një ndryshim të madh, SHBA-të ashpërsuan mesazhet për luftën në Ukrainë dje, duke thënë se qëllimi amerikan nuk ishte vetëm të pengonte pushtimin rus, por edhe të dobësonte Rusinë në mënyrë që ajo të mos mund të kryente më askund një agresion të tillë ushtarak.

■ SHBA njoftoi se do të rihapë ambasadën në Kiev. Presidenti Biden emëroi Bridget Brink, ambasadoren e SHBA-së në Sllovaki, si ambasadore në Ukrainë.

■ Rusia rinovoi sulmet e saj në infrastrukturën e Ukrainës, duke goditur me raketa të paktën pesë stacione hekurudhore në perëndim. Drejtori i hekurudhave të vendit tha se kishte viktima, por nuk dha detaje.

■ Kontraktorët amerikanë të mbrojtjes kanë kontrolluar fabrikat e armëve të Evropës Lindore për të gjetur municione të pajtueshme me arsenalin ukrainas të pajisjeve ushtarake të epokës sovjetike.

■ Elon Musk ka arritur një marrëveshje për të blerë Tëitter për rreth 44 miliardë dollarë, ose 54.20 dollarë për aksion, një premium 38 për qind mbi çmimin e aksioneve të kompanisë këtë muaj përpara se Musk të zbulonte se ishte aksioneri i vetëm më i madh i firmës.

■ Një shpërthim i koronavirusit në Pekin ka ngritur shqetësimet se Kina do të vendosë një bllokim shumë kufizues si ai në Shangai.

■ Në emër të kontrollit të pandemisë, qeveria kineze po ndërhyn në ekonomi në mënyra që vendi nuk i ka parë për dekada, duke bërë kërdinë në biznes.

■ Osman Kavala, një kritik i shquar i presidentit turk, Recep Tayyip Erdogan, u dënua me burgim të përjetshëm pa lirim me kusht. Organizatat e të drejtave të njeriut denoncuan gjyqin.

■ Katër persona u goditën për vdekje me thikë në Londër herët ditën e djeshme. Policia ka arrestuar një të dyshuar.

 

Të fundit