Flash News
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Atentat në Memaliaj, qëllohet me breshëri arme avokati
Posta e mëngjesit/ Me 2 rreshta: Çfarë pati rëndësi dje në Shqipëri
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Mirëmëngjes!
Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]
■ Instituti i Kërkimeve Biomjekësore në Australi ka nxjerrë një studim të ri, rezultatet e të cilit u botuan në gazetën britanike 'Nature'. Sipas tij, një ndër pesë persona të infektuar me koronavirus është asimptomatik, dhe mund ta transmetojë virusin tek më pak persona se sa një person simptomatik.
■ Gjatë konferencës ndërparlamentare për migracionin dhe azilin në Europë, presidenti i Parlamentit Europian, David Sassoli deklaroi se BE duhet të ndihmojë vendet anëtare për të menaxhuar flukset e migrimit. Sassoli nënvizoi se kufijtë italianë, spanjollë, grekë dhe maltezë janë përgjegjësi e përbashkët e të gjithë BE-së.
■ Kryeministri hungarez, Viktor Orban foli për veton që Hungaria vendosi ndaj miratimit të buxhetit të BE-së. Ai tha se bisedimet e bllokuara mund të përfundojnë me një marrëveshje, pavarësisht vetos së Hungarisë dhe Polonisë. Në një intervistë ai u shpreh se "shumë zgjidhje janë të mundshme, kjo është vetëm një çështje e vullnetit politik".
■ Në Kosovë kanë hyrë në fuqi masat e reja me qëllim frenimin e koronavirusit. Në komunat që gjenden në zonën e kuqe, nga ora 19:00 mbyllet çdo aktivitet ekonomik, vendoset kufizim i plotë i lëvizjes së qytetarëve si dhe ndalohen hyrjet daljet në këto komuna deri në orën 05:00.
■ Maqedonia e Veriut, Mali i Zi, Shqipëria u bashkohen sanksioneve të BE-së kundër Bjellorusisë.
■ Donald Trump Jr, djali i presidentit, doli pozitiv për koronavirusin. Ai është asimptomatik dhe është në karantinë që nga e hëna, tha një zëdhënës.
■ Pfizer i ka kërkuar FDA-së amerikane të autorizojë vaksinën e saj për përdorim emergjent, duke lejuar potencialisht amerikanët e parë që të marrin një vaksinë nga mesi i dhjetorit.